Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ (40-25) Tung dapot ho ma tagamon toguonmu buea marhite sian hail, manang mangampot dilana dohot tali?

² (40-26) Tung dapot ho ma tagamon harihiranmu igungna dohot hotang manang turaonmu hurumna dohot hail bosi?

³ (40-27) Tung tagamon ma pagodangonna elehelekna tu ho, manang manomba huasi tu ho?

⁴ (40-28) Tung tagamon ma olo ibana marpadanpadan dohot ho, mangido jaloonmu ibana bahen naposom salelenglelengna?

⁵ (40-29) Tung tagamon dapot ho ma ibana parmeammeamonmu songon pidong? Manang tambatonmu bahen meammeam ni angka borum?

⁶ (40-30) Tung tagamon olo ma angka pardengke marboniagahon ibana? Manang olo halak partigatiga marbagi disi?

⁷ (40-31) Tung dapot ho ma tagamon gohanmu sisikna dohot tampuning, manang uluna dohot turatura?

⁸ (40-32) Tole ampehon ma tanganmu tu ibana, ndang tagamon sangkaponmu marporang dohot ibana paduahalihon.

⁹ (41-1) (I.) Ida ma, ingkon tarhirim jolma i di aropna, asal diida rupana, nunga runggang ala tarmali tondi ibana.

¹⁰ (41-2) Ndang adong na hum nanggo sahalak manunggul ibana; tung ise ma manahan jongjong di adopan ni Bohingku?

¹¹ (41-3) Tung ise ma jumolo mangalehon manang aha tu Ahu, asa balosonku tu ibana? Saluhut na di toru ni langit i, Ahu do nampunasa.

¹² (41-4) Naeng dope Ahu mandok sada hata taringot tu ruasruas ni buea i, taringot tu gogona dohot hinauli ni rupana pe.

¹³ (41-5) Tung ise ma jolma na hum mangosari pangkeanna parduru? Tung ise ma jolma na hum mangaroro tu bagasan ngingina sidua rinte i?

¹⁴ (41-6) Tung ise ma jolma na hum pabuha osangosangna? Jorbut do ngingina baris humaliang.

¹⁵ (41-7) Tongam situtu do parinse angka na togu marbarisan, marrapetrapet songon na nirongket.

¹⁶ (41-8) Masirainan ma tutu na sada tu donganna, gari alogo ndang tarbahen masuk sian holangkolangna.

¹⁷ (41-9) Masirainan ma tutu ganup tu donganna, marsilohot pola ndang tarsirang manang ise.

¹⁸ (41-10) Barsibarsina pola marsinondang, jala matana songon imbulu ni sibalik hunik manogotna i.

¹⁹ (41-11) Sian babana ruar huathuat, jala marjillamjillam api sian i.

²⁰ (41-12) Sian bungbung ni igungna ruar timus hira sian hudon na gurgur na ginorgoran dohot arsam.

²¹ (41-13) Hosana tarbahen pagalak arang, jala nala ni api ruar sian babana.

²² (41-14) Maringan di bagasan tangkuhukna do hagogoonna, jala di jolona maringkat hatahuton.

²³ (41-15) Marsada do na bulot ni sibukna hira haksa na tinuang do masirainan, tung na so tarhutik do.

²⁴ (41-16) Pir do ateatena songon batu, pir tahe songon batu pandudaan partoru.

²⁵ (41-17) Molo hehe ibana, raion ma halak angka na begu, laos maporus binahen ni songgotna.

²⁶ (41-18) Molo ro halak mandapothon ibana marpodang manang marhujur manang marmundimundi manang marlembing, rap so belut do.

²⁷ (41-19) Hira gala ni eme do anggo bosi dietong rohana, jala hira hau na ondapondapon do anggo tombaga.

²⁸ (41-20) Ndang pola maporus ibana binahen ni anak ni sior, hira gabe durame do anggo batu ni ambalang di ibana.

²⁹ (41-21) Hira gala ni eme anggo antukantuk dietong rohana, jala diengkelengkel do parngingis ni hujur.

³⁰ (41-22) Di toruna marpeahan ngarngar angka na tajom, jala hira hureta pardege do pamolusanna di atas gambo.

³¹ (41-23) Marbuhalbuhal liang i dibahen ibana hira aek na gurgur di bagasan hudon, jala laut i hira pangalompaan ni halak sipauli daon.

³² (41-24) Marsinondang dalanna sian pudina dibahen, jala doshon uban sisik ni aek i idaon.

³³ (41-25) Ndang adong tudosanna anggo di darat, tartompa pe ibana asa unang tahuton.

³⁴ (41-26) Hu rohana mida saluhut na timbul, ibana do raja gumomgom saluhut binatang panoro.