Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kai si ikatakenndu, nggo me mbarenda kubegi. Kerina nge kuerti, pemetehku bali nge ras pemetehndu. Aku labo bodohen asa kam.

² (Ayb 13:1)

³ Tapi ras Dibata kap aku ersoal, labo ras kam; ras Ia nge kuranaken rananku.

⁴ Kam itamburindu kebodohenndu alu bual; kam desken sekalak doktor si la ngasup pepalem ise pe.

⁵ Sinikken, maka iakap kalak kam pentar!

⁶ Begikenlah asum aku nuriken ukurku.

⁷ Ngkai maka kam erbual? Akapndu kin adi kam erbual untung Dibata?

⁸ Ikapitindu kin atendu Dibata? Ibelandu kin atendu Ia i pengadilen?

⁹ Adi ipepayo Dibata kam alu megermet, lit kin datca si mehuli i bas kam? Akapndu kin banci itebu-tebundu Dibata, bagi penebu-nebundu manusia?

¹⁰ Aminna gia alu erbuni-buni ikapitindu Dibata, ugapa pe IukumNa nge kam alu mesangat,

¹¹ dingen KemulianNa mahanca kam mbiar mekelek.

¹² Kuan-kuanenndu desken abu si la erguna, nasihatndu murah meripuk bagi taneh dah.

¹³ Sip kam lebe maka aku ngerana, janah uga kari jadina man bangku bagelah.

¹⁴ Aku nggo sikap ngasamken kesahku.

¹⁵ Nggo bene kerina pengarapenku; dage adi ibunuh Dibata gia aku, labo dalih. Ateku nuriken soalku terang-terangen man BaNa.

¹⁶ Banci jadi erkiteken si emaka aku selamat, sabap labo lit kalak jahat si pang ngadap Dibata.

¹⁷ Genduari begikenlah rananku alu manjar-anjar, begikenlah keterangenku.

¹⁸ Aku nggo sikap nuriken soalku, sabap kueteh maka benar nge aku.

¹⁹ Dibata, IadukenNdu kin AteNdu aku? Adi bage sinik nari nge aku jenari mate.

²⁰ Tapi berekenlah pemindonku si dua erbage enda, maka lanai aku cebuni i adep-AdepenNdu,

²¹ ulanai UkumNdu aku, ulanai ipebiar-BiarNdu aku alu DolatNdu si rejin.

²² Ngeranalah Kam, maka kujabap. Tah pelepas aku ngerana, janah Kam njabapsa.

²³ Asa kai kin buena salah ras dosangku? Pebetehkenlah bangku kerina lepakku.

²⁴ Ngkai maka IsilahkenNdu aku rusur? Kai sabapna maka MusuhNdu AkapNdu aku?

²⁵ Aku la lebih asang bulung-bulung si nggo ndabuh. Kai gunana aku igunjak-GunjakNdu? Aku desken nggala si nggo kerah, kai ertina aku iayak-AyakNdu?

²⁶ IberekenNdu ukumen si pagit man bangku, IbalasNdu kesalahen-kesalahenku paksa ngudangku.

²⁷ IiketNdu nahengku alu rante; tiap aku njingkang IpernehenNdu, seh maka tapak-tapak nahengku pe tetap IperdiatekenNdu.

²⁸ Emaka buruk dagingku desken kayu si nggo burburen; desken selambar baju si nggo ngetngeten.