Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ulang ma pangunsagahkon pasal ari patar, ai seng ibotoh ho atap aha na boi masa bani sada ari.
2 Halak na legan ma na mamuji ho, ulang ma pamanganmu sandiri, hasoman na lain ma, ulang bibir sandiri.
3 Borat pe batu, sonai homa horsik, tapi boratan do hunjai borit ni uhur marhalanihon ni halak na oto.
4 Parah do gila, anjaha gajag do ringis, tapi ise ma na tolap manahan parsimburuon?
5 Rahanan do pinsang-pinsang na talar, humbani holong na pinonop-ponop.
6 Ugah halani lonsing-lonsing ni huan-kuan, holong do ai, tapi summah-summah ni halak pardomdom, sipakulah-kulah do.
7 Halak na bosur sobalan do age bani manisan, tapi halak na loheian matobu do bani age na mapaet.
8 Songon manuk-manuk na manadingkon asarni, sonai do halak na manadingkon tanoh hatubuhanni.
9 Minak pakon rium-riuman do mambahen malas uhur, sonai homa do parhuan-kuanon, na marsipodah-podahan.
10 Ulang tadingkon huan-kuanmu atap huan-kuan ni bapamu; anjaha ulang ma tandangi rumah ni saninamu sanggah tarsosak ho. Dearan do simbalog rumah na dohor, marimbang sanina na daoh.
11 Maruhur ma, ale anakku, anjaha pamalas ma uhurhu, ase hubotoh marbalos bani na pahiri ahu.
12 Halak na pantas mangidah parmaraan, jadi marponop ma ia, tapi halak na oto itoruskon do langkahni, gabe manaron.
13 Buat ma hiouni, halani ijamini do halak na legan, gadeihon ma ai, halani iampuni halak sileban.
14 Halak na mamuji-muji hasomanni marsora na maling, girah sogod homa, gabe bura-bura do ai hiraon.
15 Tiris na torus manektek bani musim udan, dos do ai ampa parinangon sipartinggil-tinggil;
16 halak na sihol manjolomisi, doskon na manahan logou do ai, atap na manjolom minak marhitei tangan siamunni.
17 Bosi do pamarot bosi, sonai do jolma marsipadearan samah jolma.
18 Halak sipiara hayu ara, panganonni do buahni, anjaha halak sipambalosi bani tuanni, dapotan puji-pujian do.
19 Songon bah mansorminkon bohini bani jolma, sonai do uhur ai mansorminkon hadirion ni jolma ai bani dirini.
20 Nagori toruh ampa urung habeguon seng marnabosur, sonai do mata ni jolma seng marnabosur.
21 Balanga panlalaan pangujian bani pirak, liang panloburan manguji omas, tapi sada halak baritani do pangujian bani.
22 Porini pe hona duda halak na oto ibagas losung rap pakon omei, tapi seng ra sirang haotoonni ai hun bani.
23 Pangkei ma botoh haadongan ni biribirimu, anjaha pardiateihon ma hulananmu,
24 ai seng manongtong habayakon lalab, anjaha seng totap hadoharon marsundut-sundut.
25 Anggo martubuhan ma poyon-poyon ai, martumbor simaratah, anjaha ipatumpu hun dolog-dolog suan-suanan,
26 pasirsiron ni biribiri ai ma bam parhiouon ampa pamboli ni juma humbani hambing ai;
27 sungkup homa dadih bahen sipanganonmu, sipanganon bani parrumahmu ampa hagoluhan bani jabolonmu.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA