Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ee, tomala'bihku' sola ngasan! Sitarruhna, kipeta'dai mipassambajangan tookan, anna sabuda-budanna tau ssa'dingngi to karebanna Puang Isa natarima meloi susi to jaji lako kamu' tonna jolona.

² La mipassambajangan tookan anna ampaikan Puang Allataala jio mai tomasussuk na togaja', nasaba' te'da na ia ngasan tau to ssa'dingngi tee karebanna Puang Isa la ngkatappa'ii.

³ Da'tan kamu' naampai Puang Allataala. La napamawatang to penawammi naampai kamu' jio mai Togaja'.

⁴ Napamanassanmokan Puang kumua sininna pangngajah to mangka kipauan kamu' mipugauk tonganmo, na la mipugauk tarruh bang.

⁵ Dennaa upa' napatuju kamu' Puang ammiissen tonganni kumua napakamoja'mo kamu' Puang Allataala, na Puang Isa Almaseh ntulung kamu' ammimawatang ke naratui kamu' parri'.

⁶ Ee, tomala'bihku' sola ngasan! Nakita Puang Isa Almaseh, angkipangngingaran kamu' danggi' misiama' bang tuu mati' padanta' tomatappa' to makuttu mangjama, sola to te'da natarimai to apa mangka kipangpangngajaran.

⁷ Miissen kumua te'da kimakuttu tontasola unapa. Jaji la mialakan palelean mata.

⁸ Te'da kikande punala bangngi to kandena tau. Kipengkaukui mangjama allo bongi, kikua danggi' naden kamu' kisussai.

⁹ Sitonganna te'da kisala ke meta'da tulungkan lako kamu', apa te'da kipugaukki joo. Mangjamakan kikua ammialakan palelean mata.

¹⁰ Ia tontasola unapa, kipauan kamu' tee parenta kumua, ia to tocia' mangjama danggi'mo ia nakumande.

¹¹ Iamo kimangkada susi tee, nasaba' kisa'ding kumua den ba'tu pira-pira tau lan tangnga-tangngami makuttu mangjama, apa male bangri solle' nnurusu' jamanna tau laen.

¹² Nakita Puang Isa Almaseh, angkipangngingaranni kumua nada'tan tuo melo, angkisua tooi namangjama nnangahhi to kaparalluanna.

¹³ Apa kamu' tomala'bihku', danggi' mimarosso mpugauk kameloan.

¹⁴ Ianna den tau cia' ntarimai to kada kiuki' lan tee sura', la misiissenni joo tau, danggi' misiama', anna masiri'.

¹⁵ Apa danggi' mipasusii ewalimmi. Pangngingaran melo bangngi susi sipato'na padanta' tomatappa'.

¹⁶ Pole jio mai Puang Isa to kamasannanganta'. Dennaa upa' na Puang Isa da'tan mben kamu' sininna kamasannangan, naampai tarruh kamu' sola ngasan.

¹⁷ Sallangku' Paulus. Aku' nnuki'i tee passallang. Sininna to sura'ku' kupanii ngasan passallang tandana sura'ku'.

¹⁸ Dennaa upa' na Puangta' Puang Isa Almaseh mbarakka'i kamu' sola ngasan. Padamo jolo' too. Sallangki' mati', Paulus

2 Tesalonika

Video 2 Tesalonika 3

Ikuti Kami:

KONTAK | PARTISIPASI | DONASI