Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Jadi dob salpu ai, italuhon si Daud ma halak Palistim, anjaha tunduk sidea ibahen; ibuat do panggomgomion hun bani tangan ni halak Palistim.
2 Italuhon do homa halak Moab, anjaha isibar sidea bani tali; ihatahon do sidea manlangkob hu tanoh; dua tali isibarhon hu bani sidea na laho sibunuhon, sada tali bani halak sipagoluhon. Ase gabe jabolon ma halak Moab bani si Daud anjaha manggalar sohei.
3 Italuhon si Daud do homa si Hadadezer, anak ni si Rehob, raja hun Soba, sanggah na laho ia use pajongjongkon kuasani i Eufrat.
4 Ibuat si Daud do hun bani saribu pitu ratus halak siajak huda pakon dua puluh ribu balani sipardalan nahei; irimpongi si Daud do ganup huda sitarik gareta, pitah saratus tumang itebai.
5 Anjaha sanggah roh halak Aram hun Damaskus sihol mangurupi si Hadadezer, raja ni Soba ai, ibunuh si Daud ma dua puluh dua ribu hun bani halak Aram ai.
6 Dob ai ipajongjong si Daud ma bentengni i tanoh Aram inggot ni Damaskus; gabe jabolon ma sidea bani si Daud anjaha manggalar sohei. Sai itumpaki Jahowa do si Daud, barang huja pe ia manlangkah.
7 Dob ai ibuat si Daud ma gantar-gantar omas, na pinaboan-boan ni juakjuak ni si Hadadezer, anjaha iboan ma ai hu Jerusalem.
8 Hun Tebah ampa hun Berotai, ai ma huta ni si Hadadezer, ibuat Raja Daud do buei tumang tombaga.
9 Dob ibogei si Tou, raja ni Hamat, na dob italuhon si Daud ganup bala ni si Hadadezer,
10 isuruh si Tou ma anak ni si Joram marayak Raja Daud, laho manungkun pasalsi anjaha mamasu-masusi, halani na dob pinorangni si Hadadezer, anjaha italuhon ia, ai munsuh ni si Tou do si Hadadezer; iboan ma siluahni ugas-ugas pirak, omas pakon tombaga.
11 Ai pe ikahulhon Raja Daud do hu bani Jahowa rap pakon pirak ampa omas na dapotsi hun bani ganup bangsa sipajuh begu-begu, na dob tinaluhonni ai,
12 hun Aram, hun Moab, hun bani halak Ammon, halak Palistim, halak Amalek pakon hun bani taban-taban, na dapot hun bani si Hadadezer, anak ni si Rehob, raja hun Soba.
13 Jadi lambin tarambilan ma goran ni si Daud. Sanggah na mulak ai ia, italuhon ma sapuluh ualuh ribu halak Edom i habungan Garam.
14 Ipabangkit ma wakilni i Edom; bani haganup Edom ipabangkit do wakilni, jadi gabe jabolon bani si Daud ma ganup halak Edom. Sai itumpaki Jahowa do barang huja pe laho si Daud.
15 Ase si Daud do na manggomgom Israel ganup, anjaha idalankon si Daud do uhum pakon hapintoron hu bani ganup bangsa ai.
16 Si Joab, anak ni si Seruya do pambobai ni bala, anjaha si Josafat anak ni si Ahilud do wakil ni raja.
17 Si Sadok, anak ni si Ahitub, pakon si Abiatar anak ni si Ahimelek, sidea do malim; si Seruya juru tulis,
18 si Benaya, anak ni si Joyada, pambobai ni pangawal, anjaha anak ni si Daud gabe malim.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA