Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bani tahun na irik hujai, bani panorang hasomalan ni raja-raja bingkat marporang, isuruh si Daud ma si Joab pakon balani na rapkonsi, ampa haganup halak Israel; jadi isiapkon sidea ma halak Ammon anjaha ihubu do huta Rabba. Tapi tading i Jerusalem do anggo si Daud.
2 Dob ai bani na sahali malele bod ari, jongjong ma si Daud hun podomanni, anjaha mardalan-dalan ma ia i atas ni tayub ni rumah ni raja ai, gabe iidah ma hun datas ni tayub ai sada naboru na maridi; jenges tumang do naboru ai.
3 Dob ai isuruh si Daud ma na manungkun pasal naboru ai, gabe ipatugah ma bani, “Ai lang si Batseba do ai, boru ni si Eliam, parinangon ni si Uria, halak Heti ai?”
4 Jadi isuruh si Daud ma suruhanni mangalopisi; jadi dob das ia hu lobei ni; gabe ihasomani ma ia modom; baru manguras dirini ope ia hun bani habutakonni, dob ai mulak ma ia hu rumahni.
5 Boratan rumah ma naboru ai; dob ai isuruh ma na patugahkon ai hu bani si Daud, nini ma, “Domma boratan rumah ahu.”
6 Dob ai isuruh si Daud ma suruhanni mamboan tonahni hu bani si Joab, “Suruh hu bangku si Uria marga Heti in.” Jadi isuruh si Joab ma si Uria marayak si Daud.
7 Jadi dob das si Uria hu bani, isungkuni si Daud ma ia pasal si Joab, pasal sonaha do balani ai, anjaha sonaha do pardalanan ni parporangan ai.
8 Dob ai nini si Daud ma hu bani si Uria, “Tuad ma ho hu rumahmu anjaha burihi ma lobei naheimu!” Jadi dob luar si Uria hun rumah ni raja ai, irik ma roh hun pudi ni sibere-bere ni raja ai.
9 Hape modom do si Uria i lambung labah ni rumah ni raja ai rap pakon ganup juakjuak ni tuanni ai, seng tuad ia laho hu rumahni.
10 Jadi adong ma na patugahkon hu bani si Daud, seng tuad si Uria laho hu rumahni. Dob ai nini si Daud ma dompak si Uria, “Ai lang baru ope ho roh hun pardalanan? Mase ma lang tuad ho laho hu rumahmu?”
11 Tapi nini si Uria ma dompak si Daud, “Poti Parpadanan ai, halak Israel pakon halak Juda marianan ibagas lampo-lampo do; anjaha tuanku si Joab marlampo-lampo sonin i ladang; tor ra ma ahu masuk hu rumahku laho mangan, minum pakon modom rap pakon parinangonku? Songon sintongni manggoluh ham, manggoluh pakon tonduymu, seng ra ahu mambahen na sonai.”
12 Dob ai nini si Daud ma dompak si Uria, “Tading ijon ma ho lobei sadari on, patar pe ho husuruh mulak.” Jadi tading ma si Uria i Jerusalem bani na sadari ai pakon patarni.
13 Dob ai iontang si Daud ma ia, ase mangan ia i lobei ni anjaha minum, pala mabuk ia ibahen. Tapi bodarini ai luar ma ia laho modom hu podomanni rap pakon juakjuak ni tuanni, seng tuad ia laho hu rumahni.
14 Jadi patarni ai isurat si Daud ma sada surat hu bani si Joab, anjaha si Uria do ibahen panongosanni.
15 Isurat do ibagas suratni ai, “Nahkon ma si Uria bani parporangan sijobuanni, dob ai surut ma nasiam hun pudi ni, ase hona ia anjaha matei.”
16 Jadi sanggah na laho mangkubu huta ai si Joab ipatuduh ma si Uria bani ianan na dob binotohni hinan adong halak na garang ijai.
17 Dob ai luar ma dalahi ni huta ai laho marsiporangan pakon si Joab. Matei ma deba hun bani juakjuak ni si Daud, matei do homa si Uria, halak Heti ai.
18 Dob ai isuruh si Joab ma suruhanni patugahkon hu bani si Daud pasal haganup pardalanan ni parporangan ai.
19 Ihatahon ma homa hu bani suruhanni ai, “Anggo domma salpu ipatugah ho pardalan ni parporangan ai hu bani raja ai,
20 anjaha anggo manggila raja ai, gabe hatahon ma bani, ʻMase ma sonai dohorni nasiam hu huta ai marporang? Ai lang ibotoh nasiam na maningon mamodili do sidea hun tembok ai?ʼ
21 Ise do na mamunuh si Abimelek, anak ni si Jerubbaal sapari? Ai lang sada naboru do na mandabuhkon losung bani hundatas tembok ai ase matei ia i Tebes? Mase ma sonai dohorni laho nasiam hu tembok ai?” Jadi hatahon ma, “Domma matei homa juakjuakmu si Uria, halak Heti ai.”
22 Jadi laho ma suruhan ai, das ma sidea anjaha ipatugah ma hu bani si Daud haganup na tinonahkon ni si Joab hu bani.
23 Nini suruhan ai ma hu bani si Daud, “Gogohan do halak ai ase hanami, gabe iayak hanami das hu ladang; tapi iusir hanami ma sidea mulak das hu labah ni horbangan ai.
24 Jadi ipanahi parpanah ai ma juakjuakmu hun tembok ai, gabe matei ma hun bani juakjuak ni raja in, matei do pakon juakjuakmu si Uria.”
25 Dob ai nini si Daud ma bani suruhan ai, “Sonon ma sihatahononmu hu bani si Joab, ʻUlang ma mandolei ho halani na masa ai; ai biakni do sonin sonai parpangan ni podang; gogohi nasiam ma mamorang huta in, anjaha parseda nasiam!ʼ Patenger ma uhurni!”
26 Jadi dob ibogei parinangon ni si Uria, na dob matei paramangonni ai, gabe itangisi ma sinondukni ai.
27 Dob salpu panorang pusok ni uhurni ai, isuruh si Daud ma suruhanni mangalopisi hu rumahni; gabe parinangonni ma ia anjaha itubuhkon ma bani sada anak. Tapi sogam do uhur ni Jahowa mangidah pambahenan ni si Daud ai.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA