Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Tapi nini si Elisa ma, “Tangar nasiam ma hata ni Jahowa! Sonon do hata ni Jahowa, ʻSonon patar, marharga sasekel ma satapongan topung, anjaha dua tapongan andolei sada sekel homa i horbangan ni Samaria.ʼ”
2 Dob ai nini puanglima sipanrabin raja ai ma hu bani halak ni Naibata ai, “Tonggor ma, porini pe ibahen Jahowa jandela i langit, naha ma bulih jadi ai?” Tapi nini ma, “Idahonmu do ai marhitei panonggormu, tapi seng dihut ho mangankon ai.”
3 Adong ma ompat halak na gadamon i lambung horbangan ni huta ai. Nini sidea ma samah sidea, “Aha ma gunani ijon hita ronsi matei hita?
4 Porini masuk pe hita hu huta, lohei do masa i huta in, matei do holi hita ijai, anjaha porini soh hita ijon, matei do hita homa. Halani ai laho ma hita hu parsaranan ni halak Aram; anggo ipaturut sidea hita manggoluh, jadi manggoluh ma hita; anggo ibunuh sidea hita, matei pe dear.”
5 Samun ari bingkat ma sidea hu parsaranan ni halak Aram, tapi daskonsi sidea hu topi ni parsaranan ni halak Aram ai, tonggor ma, sahalak pe lang dong ijai.
6 Ai domma ipabogeihon Tuhan in hu bani bala ni halak Aram sora ni gareta pakon huda, sora ni buei bala, gabe nini sidea ma samah sidea, “Tonggor ma, domma iupahi Raja Israel mangimbang hita raja-raja ni halak Het pakon raja-raja ni halak Masir laho mandorab hita.”
7 Halani ai laho ma sidea maporus sanggah samun ari, anjaha itadingkon sidea do lampolampo ni sidea, hudani, halodeni pakon parsaranan ai songon haadongonni hinan, maporus ma sidea marsipaluah hosahni bei.
8 Jadi dob masuk na gadamon ai hu topi ni parsaranan ai, imasuki sidea ma sada lampolampo ai, mangan ma sidea anjaha minum, ibuat sidea ma pirak, omas pakon pakeian, anjaha laho ma sidea mamonopkon ai; dob ai mulak ma sidea, imasuki sidea ma lampolampo na legan, ibuat sidea ma ugas-ugas hunjai, dob ai laho ma sidea mamonopkon ai.
9 Dob sonai nini sidea ma samah sidea, “Seng patut sonin pambahenta. Ari ni barita na madear do ari on. Anggo sip hita ronsi patar, tontu marsalah ma hita ijai, halani ai laho ma hita mamboan barita ai hu rumah ni raja ai.”
10 Jadi dob das sidea hu huta ai, dilo-dilo ma sidea hu bani sijaga horbangan ni huta ai, anjaha ibaritahon sidea ma hu bani, nini ma, “Domma das hanami hu parsaranan ni halak Aram, hape tonggor ma, seng dong sahalak jolma taridah, barang sora ni jolma tarbogei ijai, huda ampa halode tambat do ijai, anjaha lampolampo ai pe songon haadonganni hinan.”
11 Dob ai idilohon sijaga horbangan ai ma barita ai, anjaha adong ma na patugahkon ai hu rumah ni raja ai.
12 Jadi puho ma raja ai bornginni ai, anjaha nini ma hu bani juakjuakni, “Pabotohkononku ma hu bani nasiam, na sihol bahenon ni halak Aram hu banta. Ibotoh sidea do, masa lohei banta, halani ai do ase luar sidea hun parsaranan ni sidea marponop i ladang, ai nini uhur ni sidea do, ʻAnggo luar sidea hun huta ai, tangkap hita ma sidea manggoluh, anjaha masuki hita ma huta ai.ʼ”
13 Jadi marbalos ma sahalak hun bani juakjuakni, “Mahua na buat ma piga-piga huda na tading ai, ai adong ope piga-piga nari na tading (atap masa bani sidea songon na bani halak Israel na tading on ijon, atap masa bani sidea songon na bani ganup halak Israel, na dob rasei ai); sidea ma na suruh laho papangkeihon!”
14 Jadi ibuat sidea ma dua gareta pakon huda, lanjar isuruh raja ai ma sidea marayak bala ni halak Aram, nini ma, “Laho ma nasiam papangkeihon!”
15 Jadi iayaki sidea ma bala ai ronsi Jordan; tonggor ma, gok do ganup dalan ai bani pakeian ampa parugas, ai ma na pinangambukkon ni halak Aram ai sanggah na maporus ai sidea. Dob ai mulak ma suruhan ai, patugahkon barita ai hu bani raja ai.
16 Jadi luar ma bangsa ai, irampas sidea ma parsaranan ni halak Aram, jadi saud ma satapongan topung marharga sada sekel, anjaha dua tapongan andolei sada sekel do homa hargani, songon na dob hinatahon ni Jahowa.
17 Tapi domma isuruh raja ai hinan puanglima sipanrabinsi ai, manjaga horbangan ai, tapi idogei halak ma ia i horbangan ai gabe matei, romban hu bani hata ni halak ni Naibata, na dob nilumbahonni hinan, sanggah tuad raja ai marayaksi.
18 Halani sanggah na hinatahon ni halak ni Naibata ai hu bani raja ai, “Marharga ma dua tapongan andolei sada sekel ampa sada tapongan topung sada sekel sonon patar i horbangan ni Samaria.”
19 Gabe nini puanglima ai do mambalosi halak ni Naibata ai, “Tonggor ma, porini pe ibahen Jahowa jandela i langit, sonaha ma boi jadi ai?” Tapi nini do, “Tonggor ma, idahonmu do ai namin marhitei panonggormu, tapi seng dihut ho mangankon ai.”
20 Jadi sonai ma masa hu bani, ai idogei halak do ia i horbangan ai, gabe matei ma ia.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA