Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ba me no Itaha wamakao dali mboto Keriso, ba si manõ da'õ gõi mi'abe'e'õ ami. Bõrõ me niha sanaha famakao dali mboto, lõ sa'ae mamazõkhi horõ.
2 Bõrõ da'õ, ena'õ mi'o'õ zomasi Lowalangi ba zi tosai wa'aurimi ba gulidanõ andre, ba bõi ba wolo'õ fangisõ niha.
3 Ba ginõtõ si no numalõ, no ara milau hadia zomasi lafalua niha si lõ mangila So'aya. Lõ sõkhi wa'aurimi, mitõrõ lala wangisõ, mabumabu, molau owasa sebua, mamadumadu, ba mamosumange adu, sira'ira'iõ.
4 Ahõlihõli dõdõ niha si lõ mangata'ufi So'aya andrõ iada'e, me lõ fao ami awõra, worasoi horõ ba si lõ amozua andrõ. Da'õ mbõrõ wa la'o'aya ami.
5 Ba ya'ira andrõ dania, lõ tola lõ labe'e wanema li khõ Lowalangi si no mama'anõ wanguhuku sauri awõ zi no mate.
6 Da'õ gõi mbõrõ wa te'ombakha'õ Duria Somuso Dõdõ ba niha si no mate. Ohitõ dõdõ ena'õ ya'ira si no tehuku dali mboto -- si mane fanguhuku niha fefu dania -- sauri ba wa'alowalangi ira molo'õ somasi Lowalangi.
7 No ahatõ gamozua hadia ia fefu, andrõ mi'a'aro'õ ami, ba mi'angelama, ena'õ mi'ila mangandrõ.
8 Si tõra moroi ba danõ bõ'õ fefu, ba ya faoma moroi si'aikõ ba dõdõmi mi'omasi'õ nawõmi, me oya te'efa'õ horõ ba wamalua fa'omasi si manõ.
9 Faoma mitema'õ nawõmi ba nomomi zamõsana, bõi mikõkõkõkõ.
10 Dozi ami no mitema mbuala si no fabõ'õbõ'õ moroi khõ Lowalangi. Bõrõ da'õ, me no sondrorogõ si sõkhi ami ba mbuala Lowalangi andrõ, mi'oguna'õ mbuala andrõ tobali soguna khõmi fefu.
11 Na so zama'ema turia si otarai Lowalangi, si mõi enoni niha bõ'õ, ya mõi enoni ba wa'abõlõ si otarai Lowalangi, ena'õ ba ngawalõ hadia ia nifalua, tefolakhõmi Lowalangi bõrõ Yesu Keriso. Ya'ia zamatõrõ, ba nifolakhõmi irugi zi lõ aetu. Yaduhu!
12 Ya'ami ira talifusõ ni'omasi'õ! Iada'a no mitaha wamakao me ba wanandraigõ so ami. Bõi ahõlihõli dõdõmi, hulõ na so zi fabõ'õ moroi ba zi to'õlõ zalua khõmi.
13 Ya omuso dõdõmi, bõrõ me no fao awõmi Keriso ba wanaha famakao andrõ. Ba dania, na no tefa'ele'õ lakhõmi Keriso andrõ ba niha fefu, ba sowuawua tõdõ ami.
14 Mohare ami na latandraigõ ami, bõrõ me no solo'õ Keriso ami. Da'õ dandra wa no ahono khõmi Geheha solakhõmi andrõ, Eheha Lowalangi.
15 Bõi so samõsa moroi ba gotaluami zanaha famakao bõrõ me samunu niha ia, sanagõ, ba ma samazõkhi si lõ sõkhi, ba ma bõrõ me ihalõ khõnia zi tenga khõnia.
16 Ba na mitaha wamakao bõrõ me Niha Keriso ami, ba bõi aila ba da'õ. Mi'andrõ saohagõlõ khõ Lowalangi, me no mituriaigõ dõi Yesu.
17 No irugi inõtõ khõ Lowalangi ba wanguhuku ulidanõ andre. Ba banua Lowalangi zi ofõna nihuku dania. Na Ibõrõtaigõ dania Lowalangi ba khõda, ba hewisa dania wozunia ba niha si lõ faduhu tõdõ ba Duria Somuso Dõdõ andrõ soroi Lowalangi?
18 Ba Mbuku Ni'amoni'õ no tesura, imane, "Na ba wangorifi niha si sõkhi manõ no afõkhõ, ba hadia zalua dania ba niha si so horõ, si lõ mangila So'aya!"
19 Bõrõ da'õ, na so niha sanaha famakao, me omasi Lowalangi zi manõ, ya auri niha da'õ ba zi duhu, ba ya mutou'õ noso awõ mboto khõ Zombõi. Ya'ia zi lõ mamalõmalõ mango'ozui fawu'usa li-Nia andrõ.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA