Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 He ya'ami ira talifusõ! Me mõi ndra'o khõmi wangombakha nifakhoi Lowalangi andrõ si lõ ni'ila niha gulidanõ, lõ u'oguna'õ wa'atuatua gulidanõ andre ba ma huhuo ni'alõsõini.
2 No u'osambua'õ gera'eragu wa gõtõ so ndra'o khõmi, lõ u'ombakha'õ hadia ia baero zanandrõsa khõ Yesu Keriso; sabõlõnia sanandrõsa wa no mate Ia ba rõfa.
3 Me so ndra'o khõmi no sambõ fa'abõlõ ndra'o ba sanizinizi wa'ata'u.
4 Turia nifa'emagu khõmi tenga fao fehede sadõnidõni dõdõ molo'õ fa'atuatua niha ufa'ema. Ufa'ema ia molo'õ fangoroma'õ wa'abõlõ Geheha Lowalangi, ba no mi'ila.
5 Ulau zi manõ, ena'õ fa'afaduhu dõdõmi khõ Lowalangi tenga modanedane ba wa'atuatua niha, no sodanedane ba kuaso Lowalangi.
6 Ba hew̃a'ae si manõ, ba gotalua niha si no mo'ahonoa fa'auri ba wa'alowalangi, fahuhuo ndra'o gõi sanandrõsa ba wa'atuatua. Ba hiza tenga fa'atuatua gulidanõ nifatunõgu andrõ, ba ma fa'atuatua zamatõrõ ba gõtõ da'e si taya dania fa'abõlõnia.
7 Fa'atuatua niw̃a'õgu ya'ia wa'atuatua soroi Lowalangi. Lõ aboto ba dõdõ gulidanõ wa'atuatua andrõ, ba hiza iada'e no Ihõnagõ khõda Lowalangi, fatua lõ muwõwõi gulidanõ andre, soguna ba wa'ohahau dõdõda.
8 Ma'ifu samõsa moroi ba gotalua zamatõrõ ba gõtõ da'e zangila fa'atuatua da'õ. Bõrõ, na no aboto ba dõdõra mena'õ, ba tatu manõ lõ laforõfa Zo'aya fondrege zolakhõmi andrõ.
9 Ba hiza, salua andrõ si mane nisura ba Mbuku Ni'amoni'õ, "Hadia zi lõ irai i'ila ba ma irongo niha, ba si lõ irai tumbu ba wangerangera niha, da'õ nihõnagõ Lowalangi ba niha sangomasi'õ Ya'ia."
10 Ba no Iforoma'õ khõda Lowalangi da'õ ba Geheha-Nia. Eheha Lowalangi andrõ zangalui fefu hadia ia, irugi ba nifakhoi dõdõ Lowalangi si tobini gõi.
11 Hadia tenga eheha niha andrõ zangila õsi dõdõ niha? Si manõ gõi zanandrõsa khõ Lowalangi. Ha Eheha Lowalangi zangila õsi dõdõ Lowalangi!
12 Tenga eheha gulidanõ andre nibe'e khõda, no Eheha soroi Lowalangi, ena'õ aboto ba dõdõda fefu zi no I'amualagõ Lowalangi khõda.
13 Bõrõ da'õ, na ma'ombakha'õ zanandrõsa khõ Lowalangi ba niha sangokhõgõ Eheha Lowalangi, lõ mafa'ema da'õ molo'õ fa'atuatua niha, hiza i molo'õ famahaõ Geheha Lowalangi.
14 Niha si lõ Eheha Lowalangi, tebai itema'õ niforoma'õ Geheha andrõ, bõrõ me fa'abodo zi manõ ba niha si manõ. Lõ tola aboto ba dõdõ niha si lõ Eheha andrõ, me ha ba wamati tola mu'ila zanandrõsa ba khõ Lowalangi andrõ.
15 Tola isu'a gofu hadia ia niha sangokhõgõ Eheha Lowalangi, ba hiza, samõsa lõ si tola manu'a ya'ia.
16 No tesura bakha ba Mbuku Ni'amoni'õ, "Haniha zangila era'era Zo'aya? Ba haniha zi tola mo'amenesi Ya'ia?" Ba hiza no so khõda gera'era si fagõlõ ba gera'era Keriso!
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA