Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Utatku mita! Wakutu in aku'oi namangoi ko'i monimu nopota'au in roncana mita i Allah inta diaípa kinota'auan im bayongan intau kon dunia na'a, diaíbií in aku'oi nopomakeí ing kapandoian tontanií andeka noguman kon inta diaí totu'u.
2 Sin iyakinku bidon kon solama ing kotaki-takinpa monimu, aku'oi in diaíbií nosingog kon yagi-yagi, kolikudbií in nopota'au in habar soaáḷ ki Kristus inta minatoi kong kayu pinoyotalempang.
3 Wakutu ing kotaki-takinpa monimu, molemeí bo mo'uyot totok in aku'oi.
4 Bo habar inta pinoyaputku ko'i monimu tua in de'emanbií tongaí pinota'auku takin tosingogon inta mokosanang kong gina pinodudui ing kabijaksana'an in intau, ta'e no'idoyonbií kon koyakinan kon rohobií i Allah in nongawasa.
5 Tua inaidan simbaí pirisaya monimu ko'i Kristus diaí tongaí podoyon kon kapandoian intau, ta'e podoyonbií kong kawasa i Allah.
6 Umpakah natua yo umuranbií doman o'umanon in soaáḷ kabijaksana'an i Allah kon sigad in intau mita inta totu-totu'udon nopirisaya. Ta'e de'emanbií kabijaksana'an in dunia, andeka kapandoian in nongawasa masa in tana'a inta diaí mononoi.
7 Kabijaksana'an inta poyaputku na'a in nongkon i Allahbií. Kabijaksana'an tatua diaípa kinota'auan im bayongan intau kon dunia na'a, ta'e munadon sinadia i Allah wakutu in diaípa inaidan-Nya in dunia, simbaí mosanang ing kita.
8 Diaíbií tobatuímai ponguasa in dunia na'a nokota'au kon soaáḷ kabijaksana'an tatua. Sin aka kinota'auandon monia, yo tantuí diaíbií pinopopakuí monia kong kayu pinoyotalempang ing ki Tuhan inta momulia tua.
9 Tongaí soaáḷ tatua aim bidon no'ipais kom Buk Mosuci, "Onu inta diaí dodai onda inontong andeka dinongog in intau, bo diaí doman dodai onda ing kinoraian intau, tuatabií in sinadia i Allah kom bayongan intau inta motoindudui ko'i-Nia."
10 Tua komintan pinota'au bidon i Allah ko'i naton pinotonsigad kon Roho-Nya. Bo Roho tatua doman im mo'indoi kom bayongan yagi-yagi nodapot in roncana mita i Allah inta nongo'ibuni.
11 Sin inta nonota'au kom bonu ing gina intau tatua in tongaíbií rohonya tontanií. Natua doman soaáḷ ki Allah. Inta nonota'au kom bonu ing gina i Allah tua in tongaíbií doman Roho i Allah tontanií!
12 Kita in diaíbií inogoian roho inta nongkon dunia na'a, ta'e Rohobií inta nongkon i Allah, simbaí kota'auan naton bayongan inta pinonotabi i Allah ko'i naton.
13 Tuamai, aka kami bo moginsilang kon ka'ada'an i Allah kon intau mita inta ain kinawasa'an in Roho i Allah, yo kami in diaíbií mosingog podudui ing kabijaksana'an intau, ta'e pinoduduibií kon onu inta ain sinunduí in Roho i Allah.
14 Intau inta diaí kinawasa'an Roho i Allah, doiíbií mopirisaya kon onu inta ain inaidan Roho i Allah tatua. Diaíbií komangalean monia intua komintan, kolikudbií in aka mopirisaya im mosia ko'i Allah.
15 Intau inta mopirisaya ko'i Allah im mota'aubií monilai kon yagi-yagi, ta'e diaíbií tobatuímai intau mota'au monilai ko'inia tontanií.
16 Sing kom bonu im Buk Mosuci pinaisdon nana'a, "Ki inebií im mokota'au kon raian i Tuhan? Bo ki inebií im mota'au mononggina ko'i-Nia?" Ta'e pikiran i Kristus oyuíonbií ko'inami!
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA