Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Utat mita jama'at i Allah kong Korintus! Mo'ikow inoiniídon i Allah mobalií umat-Nya sim mo'ikow kapunya'an i Kristus Yesus, moyotakin im bayongan intau nongkon ondakadon inta nosumbah ko'i Tuhan naton ki Yesus Kristus, ki Tuhan monia bo ki Tuhan naton doman. Aku'oi ki Paulus, bo ki utat naton ki Sostenes, umuran mopo'igum makow simbaí ki Allah, Amaí naton bo ki Tuhan Yesus Kristus umuran mobogoi im barakat bo kobiagan motompia ko'i monimu. Aku'oi nomais kon surat tana'a saḷakubií rasul i Kristus Yesus inta inoinií i Allah tontanií podudui in ibog-Nya.
2 (1:1)
3 (1:1)
4 Aku'oi umuran mosukur ko'i Allah sim mo'ikow noko'uliídon kon totabi-Nya bo nopirisaya domandon ko'i Kristus Yesus.
5 Lantaran mo'ikow bo nopirisayadon ko'i Kristus, daí bayongan yagi-yagi komintanbií mo'ulií monimu. Mo'ikow aindon inogoian in totabi motunduí kon onu ing kinota'auan monimu.
6 Bo tua komintan mangalenya im moponyatabií kon na'anta habar mopia i Yesus Kristus tua in totu-totu'u bidon no'itonop kom bonu ing ginamu.
7 Tuamai barakat ko'i monimu in diaíbií modai-dait kowakutu im mo'ikow mogoḷat makow kon koaíngoian i Tuhan naton ki Yesus Kristus.
8 Bo ki Kristusbií doman tua inta tantuí moginrigon kong gina monimu modapot kon singgai pangabisan; sahingga aka mamangoidon bui in Sia yo diaí ko'uliían-Nya im mo'ikow kon taḷaí tobatuímai.
9 Ki Allah nogoinií ko'i monimu simbaí mo'ikow motobatuídon i Adií-Nya ki Yesus Kristus, Tuhan naton. Bo Siabií doman tua inta tantuí mobogoi kon onu inta ain pinodandi-Nya.
10 Utatku mita! Podoyon kon tangoi i Tuhan naton ki Yesus Kristus, po'igumonku simbaí mo'ikow umuran mosiduduian bo mokokidongogan. Dona'ai umuran mobobayowan! Tantuíbií kotobatuíon ing gina bo raian.
11 Sin nodaitdon ino'uman ing ginaḷum i Kloe ko'i nakoí, kon na'anta oyuíonbií in yogenggeng kon sigad monimu.
12 Nana'a im makusudku, kon sigad monimu oyuíon in noguman, "Aku'oi in dumoduduibií i Paulus," bo oyuíon doman im moguman, "Aku'oi in dumoduduibií i Apolos," bo ibanea doman moguman, "Aku'oi in dumoduduibií i Petrus," bo ibanea makow im moguman kon, "Aku'oi na'a in dumoduduibií i Kristus."
13 Baí kota'auandon monimu, kong ki Kristus tongaíbií tobatuí, diaíbií nosila-silai! Naí doman tua, ki Paulus in diaíbií pinopopakuí kong kayu pinoyotalempang sim motobus ko'i monimu! Bo mo'ikow in diaíbií binaptis kom bonu in tangoiku!
14 Mosukur totok in aku'oi sing kolikudbií ing ki Krispus bo ki Gayus im binaptisku kon sigad monimu,
15 sahingga diaíbií im moguman kom binaptiskudon in sia simbaí mobalií dumoduduiku.
16 O, o anta, ki Stepanus bo bayongan ginaḷumnya aku'oi doman in nobaptis, aka toro-toroponkumai yo diaí bidon ibanea makow im binaptisku.
17 Aku'oi pinotabaí mangoi i Kristus de'emanbií mamangoi mobaptis, ta'e mamangoibií mopota'au in Habar Mopia. Bo demanbií doman kapandoianku tontanií im pinakeíku simbaí oyuíon mangale ing kawasa nongkon kinopatoian i Kristus nongkon kayu pinoyotalempang.
18 Aka kon raian in intau mita inta diaí mopirisaya, yo soaáḷ kinopatoian i Yesus Kristus kong kayu pinoyotalempang tua in diaíbií totu'u. Ta'e aka ko'i naton inta pinosaḷamatdon i Allah, yo habar tatua totokbií im pinirisaya, kon tua in totou-totu'ubií aid i Allah noponyata kong kawasa-Nya.
19 Sing kom bonu im Buk Mosuci, ki Allah noguman nana'a, "Poyayingon-Ku ing kapandoian intau mita inta mongopandoi, bo onu ing kinota'auan intau mita inta norosikolah, daiton-Ku popoliong."
20 Daí aka natua yo diaí bidon im baraguna monia, intau mita inta mongopandoi bo intau mita inta nonota'au kom bayongan yagi-yagi. Sim pinonyatadon i Allah kong kapandoian intau kon dunia na'a diaíbií im baragunanya!
21 Sin dapot kabií onda kapandoian intau, yo diaíbií mokopobalií ko'inia monota'au ko'i Allah. Ta'e lantaranbií ki Allah mobijaksana, daí no'ibog in Sia noposaḷamat kon intau mita inta mopirisaya ko'i-Nia naonda in nokodongog kon habar inta pinota'au nami inta inanggap in dunia na'a tongaí uboḷ.
22 Intau mita in Yahudi mopo'igum in aid mita inta mokoherang saḷaku bukti, bo intau in Yunani mopo'ontong ing kapandoian monia.
23 Kami na'a in tongaíbií mopoyaput in habar soaáḷ ki Kristus inta minatoi pinopopakuí kong kayu pinoyotalempang. Habar tatua nokotersinggung kon intau mita in Yahudi, daí inanggap monia diaí totu'u in habar tatua.
24 Tongaí aka kon intau mita inta ain sinoko oinií i Allah, pinomayak intau Yahudi andeka de'eman -- habar tatua totokbií im pinirisaya kon aidbií i Allah kom moponyata ing kawasa bo kapandoian-Nya.
25 Sin onu inta inanggap i Allah totok im mo'ompaí, yo tuabií im moḷantu-ḷantud nongkong kapandoian intau; bo inta inaggap i Allah diaí mokopongonu, yo tuabií im moropo-ropot nongkon kakuatan intau.
26 Utat! toropkah bui monimu naonda ing ka'ada'an monimu wakutu inoinií i Allah. Tongaíbií topilik intau kon sigad monimu im mopandoi, ande oyuíon ing kuasa, ande koḷolituían moḷantud kon sigad in intau moaíntoí.
27 Sin sinu'odbií i Allah pinilií in intau mita inta inanggap in dunia na'a nobodok, simbaí mosia mokopo'oyakmai kon intau mita inta mongopandoi. Bo sinu'odbií doman i Allah im momilií kon intau mita inta inanggap in dunia na'a diaí mokopongonu, simbaí mongooyak in intau mita inta mongoropot.
28 Ki Allah nomilií kon inta inanggap no'ompaí, nohina, andeka inta inanggap diaí moponting in dunia na'a.
29 Tuamai diaíbií tobatuímai intau mota'au kumaḷakuang ko'i Allah.
30 Sin lantaranbií ki Allah, daí notobatuídon mo'ikow i Kristus. Bo lantaran doman kita nopirisayadon ko'i Kristus daí kita nonota'audon kom bayongan yagi-yagi. Siabií doman tua in nopoyotutui, nomilií bo notobus kom bayongan oaíid naton inta diaí mopia.
31 Nana'a im pinais kom Buk Mosuci, "Intau inta mo'ibog dumodia, manikah in sia dumodia kon onu inta aindon inaidan i Tuhan."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA