Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 He bangsa se ta’ tao malo, mara enga’a ba’na
2 sabellunna ba’na elop ban kerreng akantha kembang! Mara enga’ sabellunna are dadukanna PANGERAN teba, ban ba’na katebanan dadukan se rabbang jareya.
3 Mara abali ka PANGERAN, kabbi reng-oreng se andhap asor e nagara reya, ban sakabbinna oreng se ta’at ka kon-papakonna. Mara odhi’ menorot kasokanna PANGERAN, marendha e ajunanna. Sapa tao pola ba’na me’ epalopot dhari okoman e are bakto PANGERAN noduwagi dukana jareya.
4 E kottha Gaza tadha’ oreng se epasalamedda. Askelon bakal seppeya tadha’ orengnga. Pandhudhu’ Asdod bakal eojuga e dhalem serrangan se dhateng dadagan e tera’na are ban pandhudhu’ Ekron bakal esorowa ondur dhari kotthana.
5 Ta’ salamet ba’na, he, oreng Filistin, bangsa se enneng e salanjangnga penggir sereng. PANGERAN la neptebbagi okomanna ba’na. Ba’na epatompessa, tadha’ se lopoda maske settonga.
6 Dhaerana ba’na e seddi’na tase’ bakal daddiya talon; e jadhiya bakal epaddeggana ko-bengkona oreng ngowan se ko’-rongko’ ban dhang-kandhangnga dumba.
7 Pandhudhu’ Yehuda se gi’ bisa odhi’ salamet bakal ngennengngana dhaerana ba’na jareya. Reng-oreng jareya bakal ngowana ebinna e tana jareya, ban e baja malem bakal tedhunga e ko-bengkona oreng Askelon. Sabab bi’ PANGERAN, Allahna, reng-oreng jareya bakal eaobana pole ban epama’mora pole.
8 PANGERAN Se Mahakobasa adhabu, "Sengko’ la ngedhing ja’ sa-bangsa Mo’ab ban Amon ya-nyeya ban bi-nyebbi Tang ommat. Reng-oreng jareya asebbal arebbu’a tanana Tang ommat.
9 Bit nyamana Sengko’ se odhi’, Allahna bangsa Isra’il, Mo’ab ban Amon bi’ Sengko’ epamosna’a akantha Sodom ban Gomora. Ra-nagara jareya bakal possa’a ban mor-somor buja sarta jur-gujuran se langgeng se etombuwi but-ombut. Karena Tang ommat se salamet bakal arampoga pandhudhu’na ra-nagara jareya, sarta arebbu’a tanana."
10 Kantha jareya pandhudhu’ Mo’ab ban Amon eokoma polana kasombonganna ban kaangkowanna, bariya keya polana reng-oreng jareya ya-nyeya ommadda PANGERAN Se Mahakobasa.
11 Bi’ PANGERAN reng-oreng jareya epadaddiya katako’an. Pangeran bakal ngancora ba-diba e bume. Saellana jareya sa-bangsa bakal abakteya ka Pangeran, e nagarana bang-sebang.
12 Bariya keya pandhudhu’ Sudan bi’ PANGERAN bakal eteba’ana okoman mate.
13 Saellana jareya PANGERAN kalaban kobasana bakal ngancora Asyur. Kottha Niniwe bakal epadaddiya jur-gujuran se seppe ta’ ekennengnge oreng, epadaddiya ra-ara se kajal.
14 E jadhiya bakal daddiya kennengnganna burun alas ban samacemma keban bu-marobbu ban bu-ambu lesso. No’-mano’ wek-kowek bakal alebuna e jur-gujuran jareya sambi wak-kowagan dhari la-candhela. Dhangdhang bakal ok-kaogana e bang-labangnga. Kaju comara e sakabbinna bangonan e jadhiya bakal edabu’a.
15 Jareya se bakal kadaddiyana ka kottha se gumbira ban nganggep aba’na aman ban taremtem jareya. Pandhudhu’na nyangka kottha jareya se paleng raja e dunnya. Saapa seppena dhaera jareya, tadha’ se ngennengnge kajabana burun alas se alebun e jadhiya! Saneyap oreng se lebat e kottha jareya bakal takerjada ban arassa marenges.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA