Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 TUHAN si Mada Kuasa nehken KataNa man Sakaria nina,
2 "KekelengenKu man Jerusalem seh kal belinna, janah perban kelengna ateKu, nembeh ateKu kempak musuh-musuhna.
3 Mulih me Aku ku Sion, janah ringan i Jerusalem, kotangKu si badia e. Terberita me kota e kuta si setia, janah deleng TUHAN si Mada Kuasa igelari me Deleng si Badia.
4 Sekali nari pagi subuk dilaki bage pe diberu tua-tua si nggo erciken ban tuana, kundul i pasar-pasar kota e.
5 Janah pasar-pasarna dem alu danak-danak dilaki ras diberu erguro-guro.
6 Rikutken pengakap bangsa si tading denga, si enda tempa-tempa la banci jadi, tapi i bas Aku la lit si la banci jadi.
7 Kupulahi bangsangKu i bas negeri e nari ku ja ia nggo ibaba,
8 janah Kubaba mulih i kenjahe nari bage pe i kenjulu nari gelah ringan i Jerusalem. Ia jadi bangsangKu, janah Aku jadi Dibatana, si ngerajai ia alu tetap dingen bujur."
9 Tetapken ukurndu! Kata-kata si ibelasken nabi-nabi tupung palas Rumah Pertoton e ipajekken ngumbansa, genduari kata-kata si bage ka nge ibegindu.
10 Ope denga si e nai, la lit ise pe ngasup nggalari upah si ngemo tah pe newai asuh-asuhen, janah la lit ise pe si ngkawalisa i bas musuhna nari. Sabap Kuperubat kalak sapih-sapih temanna.
11 Tapi genduari lanai bage perbahanKu nandangi bangsa enda si tading denga.
12 Benih iamburna alu teneng dingen mbuah pagena. Batang anggurna erbuah meramis, tanehna melala ulihna, janah udan pe cukup mbue. Pasu-pasu enda Kubereken man bangsangKu si tading denga.
13 O kalak Juda ras Israel! I bas paksa si nggo lepas bangsa si deban nggo make gelarndu numpahi kalak. Tapi Kukelini me kam, janah kam jadi pasu-pasu man kalak si deban. Emaka tetapkenlah ukurndu, ula mbiar."
14 Nina TUHAN si Mada Kuasa, "Tupung nembeh ateKu erkiteken lagu langkah nini-ninindu, Kusuraken si jahat man bana; la Kusambari ukurKu, tapi Kudalanken sue ras si nggo Kusura.
15 Tapi genduari ersura-sura Aku masu-masu kalak Jerusalem ras Juda. Emaka ula kam mbiar.
16 Enda me si arus ilakokendu. Katakenlah si tuhu-tuhu sapih-sapih kam. Bahanlah keputusen si bujur i bas pengadilen, keputusen si maba kedamen.
17 Ula kam ersura-sura mahan si jahat sapih-sapih kam. Ula kam erbahan kesaksin si la tuhu. Segat ateKu man kata guak, ras kelabujuren ras sigegeh-gegeh."
18 Kata TUHAN si Mada Kuasa seh man Sakaria nina,
19 "Puasa si ilakoken i bas bulan peempatken, pelimaken, pepituken, ras pesepuluhken salih jadi pesta keriahen ras kesenangen man kalak Juda. Arus kam erngena ate kempak ketuhu-tuhun ras perdamen."
20 Nina TUHAN si Mada Kuasa, "Seh me paksana i ja nterem kalak reh i bas kota-kota si deban nari ku Jerusalem.
21 Kalak si ringan i bas sada kota lawes me man anak kota si deban nina, "Berkat me kami nembah man TUHAN si Mada Kuasa dingen ertoto mindo pasu-PasuNa. Ota, ras kita berkat!"
22 Melala bangsa ras negeri-negeri si megegeh reh ku Jerusalem nembah man TUHAN si Mada Kuasa, dingen ertoto mindo pemasu-MasunNa.
23 I bas wari e pagi sepuluh kalak bangsa si deban reh ndahi sekalak Jahudi janah nina, "Ikut ate kami ras kam, sabap nggo ibegi kami Dibata ras kam kap."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA