Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sengko’ nangale’e pangaton laen. Se sateya sengko’ nangale’e kareta perrang pa’-empa’ kalowar dhari antarana gunong paronggu dhadhuwa’.
2 Ta-kareta jareya etarek jaran sang-sapasang, se nomer settong jaran mera, se nomer dhuwa’ jaran celleng,
3 se nomer tello’ jaran pote ban se nomer empa’ jaran lang-belling.
4 Sengko’ atanya ka malaekat jareya, "Guste, ponapa arteepon ta-kareta perrang ka’dhinto?"
5 Saodda, "Jareya kabbi mangkada ka tojjuwan se pa’-empa’ saellana ngadhep Pangeranna alam dunnya.
6 Kareta perrang se etarek jaran celleng entara ka Babil e dhaja. Jaran se pote entara ka bara’ ban jaran se lang-belling entara ka nagara se badha e lao’."
7 E bakto jaran se lang-belling jareya kalowar, katonna ta’ sabbar se mareksa’a bume. Malaekat jareya adhabu, "Kassa’ mangkat mareksa bume!" Jaran jareya laju padha mangkat.
8 Saellana jareya malaekat jareya aera’ ka sengko’, "Jaran se entar ka Babil rowa la materep dukana PANGERAN."
9 PANGERAN apareng dhabu reya ka sengko’,
10 dhabuna, "Kassa’ kala’ tor-ator dhari Heldai, Tobiya ban Yedaya, iya reya reng-oreng se buru abali dhari pambuwangan e Babil. Tor-ator jareya duli giba ka bengkona Yosiya ana’na Zefanya.
11 Emmas ban salaka tor-atorra reng-oreng jareya kagabay makotha, pasang ka cethagga Imam Agung Yusak ana’na Yozadak.
12 Kabala ka Yusak ja’ Sengko’, PANGERAN Se Mahakobasa ngoca’, ‘Oreng se enyamae Se Selbi’ bakal ahasela e kennengngan se ekennengnge sarta bakal maddegga pole Padalemman Socce.
13 Oreng jareya se bakal maddegga Tang Padalemman ban narema’a kahormadan menangka rato, ban oreng jareya bakal marenta’a ra’yadda. Badha imam se bakal abarengngana oreng jareya ban se kadhuwa jareya bakal rokona alako abareng.’
14 Makotha jareya kodu esaba’ e Tang Padalemman menangka parengeddanna Heldai, Tobiya, Yedaya ban Yosiya.
15 Reng-oreng bakal dhatengnga dhari jauna, nolongana maddek Tang Padalemman. Mon Padalemman jareya la mare se epaddek, reng-oreng jareya bakal taowa ja’ Sengko’ PANGERAN Se Mahakobasa ngotos ba’na ka reng-oreng jareya. Jareya kabbi bakal kalakona mon reng-oreng jareya atoro’ onggu ka ta-parenta se dhari Sengko’, PANGERAN, Allahna reng-oreng jareya."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA