Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Pindolah udan man TUHAN tupung paksa merdang. Sabap TUHAN kap si mahanca embun erkilap, dingen Ia si pesusursa udan, maka sinuan-sinuan meratah i juma man kerina manusia.
2 Isungkuni kalak berhala-berhala ras guru pertendung, tapi jabap si idatca eme kata guak dingen la tuhu. Deba iturikenna antusen nipi, tapi si e mabai kam papak ngenca; pengapul si iberekenna la lit gunana. Emaka bangsa e mampa-mampa desken biri-biri si papak. Ia ndat kiniseran erkite-kiteken la lit peminpinna.
3 Nina TUHAN, "Nembeh ateKu man bangsa si deban si merentah bangsangKu. Emaka Kuukum me ia. Aku kap empuna kalak Juda, emaka Aku, TUHAN si Mada Kuasa, ngarak-ngaraksa. Ia kap kuda perangKu si me gegeh.
4 I tengah-tengah bangsa e nari reh me pagi penguasa, peminpin bage pe puanglima si ngaturken bangsangKu.
5 Menang pagi ia desken tentera, si merjati musuh-musuhna ku bas kubang si i bas dalan. Erperang ia erkiteken TUHAN ras ia, janah subuk musuh si erkuda pe italukenna.
6 Kubahan kalak Juda jadi megegeh, janah kalak Israel Kupulahi. Mekuah ateKu man bana, janah Kubaba ia kerina mulih, seh maka tempa-tempa la pernah Kutulak ia. Aku kap TUHAN Dibatana, janah Kubegiken pertotonna.
7 Kalak Israel jadi megegeh pagi, bali ras tentera, janah meriah iakapna bagi kalak si minem anggur. Iinget kesusurenna me pagi kemenangen enda, janah malem atena erkiteken TUHAN.
8 Kudilo bangsangKu, janah Kupepulung ia kerina. Kupulahi ia janah Kubahan nterem ka ia mulihi bali ras si nai.
9 Aminna nggo pe ia Kukerapken ku tengah-tengah bangsa-bangsa, tapi i bas ingan si ndauh pe iingetna nge Aku. Mejuah-juah ia ras anak-anakna jenari mulih ras-ras ku kotana.
10 Kubaba ia mulih i Mesir nari ras i Assur nari, janah Kutaruhken ia ku negerina jine, bage pe ku Gileat ras Libanon. Kerina negeri e dem pagi alu jelma.
11 Tupung ia mentas arah lawit ate ceda, Kupecahken galumbangna, emaka kerah Lau Nil. Assur si meganjang ukurna ipeteruk, dingen Mesir si mbisa bene kuasana.
12 Kubahan bangsangKu megegeh; isembahna dingen ikutkenna me Aku." Bage nina TUHAN.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA