Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai roh ma use hata ni Jahowa paduahalihon hubani si Jona sonon,
2 “Bingkat ma ho laho hu huta Ninive, huta na bolon ai, anjaha dilohon ma ijai hata sipatugahon-Ku hubam.”
3 Jadi bingkat ma si Jona laho hu Ninive domu hubani hata ni Jahowa. Huta na bolon tumang do Ninive ai, tolu ari mardalan bolagni.
4 Dob ai ipungkah si Jona ma mardalan ibagas huta ai parsadarian. Idilohon ma, “Ompat puluh ari nari mando, jadi marongrong ma Ninive!”
5 Jadi porsaya ma halak na i Ninive bani Naibata; itingtingkon sidea ma ase marpuasa, jadi marhiou guni bei ma sidea, humbani halak na magodang ronsi na etek-etek.
6 Dob ai das ma barita ai bani raja ni Ninive. Jongjong ma ia humbani paratasni, itanggali ma pakeianni, isorungkon ma baju guni anjaha hundul ma ia bani abuan.
7 Dob ai isuruh raja ai ma na martingting paboahon i Ninive, “Songon na pinarentahkon ni raja in ampa hasomanni na sangap-sangap: Jolma barang pinahan, lombu barang biribiri pe, seng bulih mandai atap aha pe, seng bulih manggagat, bah pe seng bulih inumonni.
8 Maningon marhiou guni haganup, jolma atap pinahan pe, anjaha gogoh bei dilo-dilo bani Jahowa; anjaha ganup jolma maningon mulak do humbani dalanni na bajan ai ampa humbani hagedukon na hinorjahon ni tanganni.
9 Ise mambotoh, andohar marpangulaki uhur ni Jahowa anjaha isolsoli diri-Ni, isalpuhon pargajag ni ringis-Ni, gabe seng magou hita.”
10 Jadi dob ididah Jahowa pambahenan ni sidea ai, ai ma na mulak ai sidea humbani dalan ni sidea na bajan ai, gabe isolsoli Naibata ma diri-Ni pasal hamagouan, na nilumbahon-Ni sibahenon-Ni bani sidea; jadi seng be saud ibahen.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA