Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Reh ka kata TUHAN peduakaliken man Juna,
2 Nina, "To laweslah ku Niniwe, kota si mbelin e, janah momokenlah man anak kota e kata si nggo Kupeseh man bandu."
3 Emaka iikutken Juna kata TUHAN, lawes ia ku Niniwe. Kota Niniwe seh kal belinna, emaka telu wari erdalan nahe maka terbentasi.
4 Ibenaken Juna erdalan arah tengah kota e, janah kenca erdalan gedang-gedang wari imomokenna nina, "Empat puluh wari nari ikernepken me kota Niniwe!"
5 Anak kota Niniwe tek man kata Dibata. Emaka itetapkenna maka kerina arus erpuasa dingen make uis guni, subuk kalak si meganjang pangkatna bage pe si meterukna, tandana ia nggo jera kerina.
6 Kenca ibegi raja Niniwe kerna si e, nusur ia i bas kursi kinirajanna nari, itangtangina jubahna, jenari ipakena uis guni, emaka kundul ia i bas abu.
7 Isuruhna gelah imomoken man kalak Niniwe bagenda, "Enda perentah i bas raja ras pegawai-pegawaina nari. La banci ise pe man kai pe; kerina jelma, bage pe asuh-asuhen si mbelin ras si kitik, la banci man, la banci minem.
8 Kerina jelma arus make paken guni bage pe asuh-asuhen. Sekalak-sekalak arus tutus ertoto man Dibata, janah itadingkenna lagu langkahna si melket dingen ipengadina perbahanen-perbahanen si jahat.
9 Mbera-mbera salih ukur Dibata; mbera-mbera ulanai AteNa nembeh, maka ula kita mate!"
10 Iidah Dibata kai si ilakoken kalak ndai; IidahNa pe maka lanai ia ngelakoken perbahanen si jahat. Emaka salih ukur Dibata, janah la surung IukumNa kalak e aminna pe nggo IkatakenNa IukumNa AteNa.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA