Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai roh ma kopala ni halak Levi mar sasaompung marayak malim Eleasar pakon si Josua, anak ni si Nun, pakon hampit kopala ni halak Israel mar sasamarga,
2 anjaha nini ma dompak sidea i Silo, i tanoh Kanaan, “Domma martonah hinan Jahowa marhitei si Musa, bereon bennami huta bahen ianan pakon sampalanni hubani pinahannami.
3 Jadi ibere halak Israel ma hubani halak Levi humbani parbagianan ni sidea, romban hubani tonah ni Jahowa, ai ma huta-huta pakon sampalanni.
4 Dob ai luar ma ruji-ruji bani ginompar ni si Kahat, gabe dapotan ma halak Levi, ginompar ni si Aron malim ai, marhitei ruji-ruji humbani marga Juda, Simeon pakon Benjamin, sapuluh tolu huta.
5 Ginompar ni si Kahat na legan ai dapotan marhitei ruji-ruji, humbani ginompar ni marga Efraim, Dan pakon satongah marga Manase, sapuluh huta.
6 Ginompar ni si Gerson dapotan marhitei ruji-ruji humbani ginompar ni marga Isasar, Asser, Naftali pakon satongah Manase i Basan, sapuluh tolu huta.
7 Ginompar ni si Merari mar sasapangku dapotan humbani marga Ruben, Gad pakon Sebulon, sapuluh dua huta.
8 Sonai ma pambere ni halak Israel bani halak Levi huta pakon sampalanni marhitei ruji-ruji, romban hubani na tinonahkon ni Jahowa hubani si Musa.
9 Jadi ibere sidea ma humbani marga Juda pakon humbani marga Simeon huta-huta on, na ginoranan ni sidea.
10 Hubani ginompar ni si Aron, ginompar ni si Kahat mar sasapangku, hun tongah-tongah ni halak Levi -- ai hubani sidea do madabuh ruji-ruji na parlobei --
11 ibere sidea ma huta ni si Arba, bapa ni si Enak, ai ma Hebron, i dolog Juda pakon sampalanni inggot.
12 Tapi anggo ladang ni huta ai pakon dusunni hubani si Kaleb, anak ni si Jepunne do ibere bahen parbagiananni.
13 Hubani ginompar ni Malim Aron ibere sidea do Hebron, huta haporusan ni sibunuh jolma ampa sampalanni, Libna ampa sampalanni,
14 Jatir pakon sampalanni, Estemoa ampa sampalanni,
15 Holon pakon sampalanni, Debir ampa sampalanni,
16 Ain ampa sampalanni, Juta ampa sampalanni, pakon Bet-Semes ampa sampalanni; siah huta do ai humbani marga na dua ai.
17 Humbani marga Benjamin: Gibeon ampa sampalanni, Geba ampa sampalanni,
18 Anatot ampa sampalanni pakon Almon ampa sampalanni, ompat huta do ai.
19 Ganupan huta ni malim, ai ma ginompar ni si Aron, sapuluh tolu huta do ampa sampalanni.
20 Ginompar ni si Kahat mar sasapangku, ai ma halak Levi na tading ai humbani ginompar ni si Kahat dapotan huta mangihutkon ruji-ruji humbani marga Efraim.
21 Ibere do hubani sidea Sikem, huta haporusan ni sibunuh jolma pakon sampalanni i Dolog Efraim, Geser ampa sampalanni,
22 Kibsaim ampa sampalanni pakon Bet-Horon ampa sampalanni; ompat huta.
23 Humbani marga Dan: Elteke ampa sampalanni, Gibeton ampa sampalanni,
24 Ajalon ampa sampalanni, Gat-Rimon ampa sampalanni; ompat huta.
25 Humbani na satongah marga Manase: Taanak ampa sampalanni, Jibleam ampa sampalanni, dua huta.
26 Ganup huta ai na bani ginompar ni si Kahat na tading ai, sapuluh do ampa sampalanni.
27 Ginompar ni si Gerson humbani halak Levi mar sasapangku dapotan humbani satongah marga Manase huta haporusan ni sibunuh jolma, ai ma Golan i Basan ampa sampalanni, pakon Beestera ampa sampalanni, dua huta.
28 Humbani marga Isasar: Kisjon ampa sampalanni, Daberat ampa sampalanni.
29 Jarmut ampa sampalanni, En-Ganim ampa sampalanni; ompat huta.
30 Humbani marga Asser: Misal ampa sampalanni, Abdon ampa sampalanni,
31 Helkat ampa sampalanni, pakon Rehob ampa sampalanni; ompat huta.
32 Humbani marga Naftali huta haporusan ni sibunuh jolma, ai ma Kedes i Galilea ampa sampalanni, Hamot-Dor ampa sampalanni, pakon Kartan ampa sampalanni; tolu huta.
33 Ganup huta ai bani ginompar ni si Gersom mar sasapangku sapuluh tolu huta do ampa sampalanni.
34 Ginompar ni si Merari mar sasapangku, halak Levi na tading ai, dapotan humbani marga Sebulon: Jokneam ampa sampalanni, Karta ampa sampalanni,
35 Dimna ampa sampalanni pakon Nahalal ampa sampalanni; ompat huta.
36 Humbani marga Ruben: Beser ampa sampalanni, Jahas ampa sampalanni,
37 Kedemot ampa sampalanni, pakon Mefaat ampa sampalanni; ompat huta.
38 Humbani marga Gad huta haporusan ni sibunuh jolma: Ramot i Gilead ampa sampalanni, Mahanaim ampa sampalanni,
39 Hesbon ampa sampalanni, Jaeser ampa sampalanni; ganup huta ai ompat.
40 Ganup huta ai na bani ginompar ni si Merari mar sasapangku, na tading humbani halak Levi mar sasapangku, sapuluh dua huta do mangihutkon ruji-ruji ni sidea.
41 Jadi ganup huta ni halak Levi i tongah-tongah ni parbagianan ni halak Israel, ompat puluh ualuh huta do ampa sampalanni.
42 Ganup huta-huta ai adong sampalanni inggot; sonai do bani ganup huta ai.
43 Jadi ibere Jahowa ma hubani halak Israel ganup tanoh, na binulawankon-Ni bereon-Ni hubani ompung ni sidea; ase dob italuhon sidea tanoh ai, marianan ma sidea ijai.
44 Ipasonang Jahowa ma sidea inggot, romban hubani ganup na binulawankon-Ni hubani ompung ni sidea, anjaha seng tahan munsuh ni sidea age sada i lobei ni sidea; iondoskon Jahowa do ganup munsuh ni sidea ai hubagas tangan ni sidea.
45 Seng dong na tartading age sada humbani ganup hata na madear, na ipatugah Jahowa hubani ginompar ni Israel; haganup do saud.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA