Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ri se’reang allo sikamma kapala kaluargaya lalang ri suku Lewi a’lampai mange ri Silo ri pa’rasangang Kanaan, nampa andallekang ri Imang Eleazar, ri Yosua ana’na Nun, siagang ri sikamma kapala kaluargana sikontu suku-suku bansa Israel. Angkanami ke’nanga, "Tete ri Musa, Naparentakangi Batara sollanna ikambe anne sikamma tu Lewia, nisareki’ kota-kota untu’ tampa’ pammantangngang siagang tampa’ parang ri tammulilina anjo kota-kotaya untu’ pangnganreang olo’-olo’ piarana ikambe."

² (21:1)

³ Na naturukimo tu Israel anjo parentaNa Batara. Battu ri massing daerana ke’nanga, nasaremi ke’nanga anjo tu Lewi kota-kota attantua siagang parang-paranna.

⁴ Uru-urua antarimai kota-kotana iamintu kaluarga-kaluarga battua ri golongang Kehat lalang ri suku Lewi. Kaluarga-kaluarga jari-jarina Imang Harun nisarei sampulo antallu kota battu ri daerana suku Yehuda, Simeon siagang Benyamin.

⁵ Kaluarga-kaluarga maraenga battu ri golongang Kehat nisarei sampulo kota battu ri daerana suku Efraim, suku Dan, siagang suku Manasye bageang ilauka.

⁶ Golongang Gerson anggappai sampulo antallu kota battu ri daera suku Isakhar, Asyer, Naftali siagang Manasye bageang iraya Binanga Yordan.

⁷ Kaluarga-kaluarga battua ri golongang Merari anggappai sampulo anrua kota battu ri daerana suku Ruben, suku Gad siagang suku Zebulon.

⁸ Kammaminjo batena tu Israel ambage-bagei anjo kota-kotaya siagang butta-butta paranga. Naloterei ke’nanga untu’ tu Lewi, sangkamma Naparentakanga Batara tete ri Musa.

⁹ Battu ri golongang Kehat lalang ri suku Lewi, imang-imang jari-jarina Harun uru-uru antarimai kota-kotana; nisarei ke’nanga sampulo antallu kota siagang butta paranna. Battu ri suku Yehuda siagang suku Simeon, annarimai ke’nanga salapang kota, iamintu: Libna, Yatir, Estemoa, Holon, Debir, Ain, Yuta, Bet-Semes siagang Arba, nisarea areng situru’ arenna manggena Enak. Anjo kotaya, iamintu niarenga kamma-kamma anne Hebron, iamintu se’re kota palariang ri daera pa’monconganna suku Yehuda. Sikamma kokoa siagang desa-desana anne kotaya le’ba’mi nipassareang mae ri Kaleb ana’na Yefune, untu’ a’jari butta pisakana. Battu ri suku Benyamin annarimai ke’nanga appa’ kota, iamintu: Gibeon, Geba, Anatot, siagang Almon.

¹⁰ (21:9)

¹¹ (21:9)

¹² (21:9)

¹³ (21:9)

¹⁴ (21:9)

¹⁵ (21:9)

¹⁶ (21:9)

¹⁷ (21:9)

¹⁸ (21:9)

¹⁹ (21:9)

²⁰ Kaluarga-kaluarga maraenga battu ri golongang Kehat nisarei sampulo kota siagang butta paranna. Battu ri suku Efraim annarimai ke’nanga appa’ kota, iamintu: Bet-Horon, Kibzaim, Gezer siagang Sikhem, se’re kota palariang ri pa’monconganna Efraim. Battu ri suku Dan annarimai ke’nanga appa’ kota, iamintu: Elteke, Gibeton, Ayalon siagang Gat-Rimon. Battu ri suku Manasye bageang ilauka annarimai ke’nanga rua kota, iamintu: Taanakh siagang Gat-Rimon.

²¹ (21:20)

²² (21:20)

²³ (21:20)

²⁴ (21:20)

²⁵ (21:20)

²⁶ (21:20)

²⁷ Nia’ se’re golongang maraeng lalang ri suku Lewi, iamintu golongang Gerson. Kaluarga-kaluarga niaka lalang ri golongang Gerson nisarei sampulo antallu kota siagang butta paranna. Battu ri suku Manasye bageang irayaya annarimai ke’nanga rua kota, iamintu: Beestera siagang Golan, se’re kota palariang ri daera Basan. Battu ri suku Isakhar annarimai ke’nanga appa’ kota, iamintu: Kisyon, Dobrat, Yarmut siagang En-Ganim. Battu ri suku Asyer annarimai ke’nanga appa’ kota, iamintu: Misal, Abdon, Helkat siagang Rehob. Battu ri suku Naftali annarimai ke’nanga tallu kota, iamintu: Hamat-Dor, Kartan siagang Kedes, se’re kota palariang ri Galilea.

²⁸ (21:27)

²⁹ (21:27)

³⁰ (21:27)

³¹ (21:27)

³² (21:27)

³³ (21:27)

³⁴ Golongang ammantanga lalang ri suku Lewi, iamintu golongang Merari, nisarei sampulo anrua kota siagang butta paranna. Battu ri suku Zebulon annarimai ke’nanga appa’ kota, iamintu: Yokneam, Karta, Dimna siagang Nahalal. Battu ri suku Ruben annarimai ke’nanga appa’ kota, iamintu: Bezer, Yahas, Kedemot siagang Mefaat. Battu ri suku Gad annarimai ke’nanga appa’ kota, iamintu: Mahanaim, Hesybon, Yaezer siagang Ramot, se’re kota palariang ri Gilead.

³⁵ (21:34)

³⁶ (21:34)

³⁷ (21:34)

³⁸ (21:34)

³⁹ (21:34)

⁴⁰ (21:34)

⁴¹ Jari battu ri butta-butta napatanga sikontu bansa Israel nia’ patampulo assagantuju kota siagang butta-butta parang niaka ri tammulilina nipassareang mae ri tu Lewi.

⁴² (21:41)

⁴³ Kammaminjo naNapassareammo Batara mae ri umma’ Israel sikontu butta le’baka Napa’janjiang siagang sumpa mae ri boe-boena ke’nanga. Napantamakkinnamo ke’nanga anjo pa’rasanganga, ammantang tulimi umma’ Israel anjoreng.

⁴⁴ Jari situru’ apa Napa’janjianga Batara mae ri boe-boena ke’nanga, a’jari amammi anjo pa’rasanganga lanri nila’langngi ri Batara. Manna se’re tania’ battu ri musu-musunna ke’nanga akkulle angngewai ke’nanga, lanri Batara assarei ke’nanga pammetang mae ri sikontu musunna ke’nanga.

⁴⁵ Narupai sikamma janjinNa Batara mae ri umma’ Israel; tena manna se’re taNarupai.

Yosua

Video Yosua 21

Ikuti Kami:

KONTAK | PARTISIPASI | DONASI