Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai luar ma ruji-ruji paduahon bani si Simeon, bani marga ni anak ni si Simeon mar sasapangku, anjaha i tongah-tongah ni parbagianan ni si Juda do parbagianan ni sidea ai.
2 Na gabe parbagianan ni sidea, ai ma: Berseba, Seba, Malada,
3 Hazar-Sual, Bala, Esem,
4 Eltolad, Betul, Horma,
5 Ziklag, Bet-Hammarkabot, Hazar-Susa,
6 Bet-Lebaot pakon Saruhen. Sapuluh tolu huta ma ai pakon dusunni.
7 Ain, Rimon, Eter pakon Asan, ompat huta ma ai pakon dusunni;
8 ambah ni ai haganup dusun inggot ni huta-huta ai das hu Baalat-Beer, Rama i Tanoh Dangsina. In ma parbagianan ni marga ni anak ni si Simeon mar sasapangku.
9 Humbani parbagianan ni anak ni si Juda do parbagianan ni anak ni si Simeon, ai mabolagtu do parbagianan ni anak ni si Juda, jadi dapotan parbagianan ma anak ni si Simeon i tongah-tongah ni parbagianan ni sidea.
10 Dob ai luar ma ruji-ruji patoluhon bani anak ni si Sebulon mar sasapangku, anjaha das hu Sarid parbalogan ni parbagianan ni sidea ai.
11 Dob ai tangkog ma parbalogan ai dompak hasundutan, anjaha torus hu Marala, gabe ihonai Dabeset, dob ai bah tontang ni Jokneam;
12 hun Sarid laho ma ai dompak hapoltakan das hu parbalogan ni Kislot-Tabor, anjaha luar use hu Daberat, dob ai tangkog use hu Japia.
13 Hunjai mandipar dompak hapoltakan hu Gad-Heper, pakon hu Et-Kasim, luar use hu Rimon anjaha marlegot hu Nea;
14 dob ai marlegot ma parbalogan ai hampit utara hu Hanaton, anjaha marujung i habungan Jipta-El;
15 dob ai Katat, Nahalal, Simron, Jidala pakon Betlehem. Sapuluh dua huta ma ai pakon dusunni.
16 Ai ma parbagianan ni anak ni si Sebulon mar sasapangku, huta-hutani ai pakon dusunni.
17 Ruji-ruji paompatkon luar hubani anak ni si Isasar mar sasapangku.
18 Ihamkam tanoh ni sidea ai do: Jesreel, Kesulot, Sunem,
19 Hafaraim, Sion, Anaharat,
20 Rabbit, Kisjon, Ebez,
21 Remet, En-Ganim, En-Hadda pakon Bet-Pases;
22 torus do parbalogan ai hu Tabor Sahazimah, Bet-Semes; anjaha marujung ma parbalogan ai i Jordan. Sapuluh onom huta ma ai pakon dusunni.
23 In ma parbagianan ni anak ni si Isasar mar sasapangku, hutani pakon dusunni.
24 Dob ai luar ma ruji-ruji palimahon bani marga ni anak ni si Asser mar sasapangku.
25 Ihamkam tanoh ni sidea ai do: Helkat, Hali, Beten, Ahsap,
26 Alamelek, Amad pakon Misal; i hasundutan ihonai do Karmel pakon Sihor-Libnat,
27 dob ai marlegot ma dompak hapoltakan hu Bet-Dagon, ihonai ma Sebulon pakon habungan Jipta-El hampit utara, Bet-Emek pakon Negiel; dob ai torus hampit utara hu Kabul,
28 Ebron, Rehob, Hammon, Kana, das hu Sidon na bolon ai;
29 dob ai marlegot use ma parbalogan ai hu Rama das hu huta Tirus na toguh ai, dob ai marlegot use ma parbalogan ai dompak Hosa anjaha marujung i laut; Aksib,
30 Umma, Afek pakon Rehob; dua puluh dua huta ma ai pakon dusunni.
31 Ai ma parbagianan ni marga anak ni si Asser mar sasapangku, huta-hutani pakon dusunni.
32 Dob ai luar ma ruji-ruji paonomkon bani anak ni si Naftali mar sasapangku.
33 Anjaha parbaloganni ai ma hun Helep, hun jabi-jabi na i Zaanim manlopusi Adami, Nekob pakon Jabneel das hu Lakum anjaha marujung i Jordan;
34 dob ai marlegot ma parbalogan ai dompak hasundutan hu Asnot-Tabor, anjaha luar hunjai hu Hukok, ihonai ma Sebulon hampit dangsina pakon Asser hampit hasundutan, pakon Juda hampit hapoltakan bani Jordan.
35 Ia huta na toguh ai, ai ma: Zidim Zer, Hamat, Rakat, Kinneret,
36 Adama, Rama, Hazer,
37 Kedes, Edrei, En-Hazor,
38 Jiron, Migdal-El, Horem, Bet-Anat pakon Bet-Semes; sapuluh siah huta ma ai pakon dusunni.
39 Ai ma parbagianan ni marga anak ni si Naftali mar sasapangku, huta-hutani pakon dusunni.
40 Dob ai luar ma ruji-ruji papituhon bani marga anak ni si Dan mar sasapangku.
41 Ihamkam tanoh ni sidea ai do: Zora, Estaol, Ir-Semes,
42 Salabin, Ayalon, Jitla,
43 Elon, Timnata, Ekron,
44 Elteke, Gibeton, Baalat,
45 Jihud, Bene-Barak, Gat-Rimon,
46 Me-Jarkon, Rakon pakon tanoh tontang ni Japo.
47 Tapi masompittu do tanohni ai bani halak Dan; halani ai tangkog ma sidea marporang dompak Lesem itaban anjaha italuhon sidea ma ai bani podang, isoluk sidea ma huta ai anjaha iiani, anjaha gantih ni Lesem, Dan ma goran ni huta ai ibahen sidea, mangihutkon goran si Dan ompung ni sidea.
48 Ai ma parbagianan ni marga Dan mar sasapangku, huta-hutani pakon dusunni.
49 Jadi dobkonsi sidea marbagi tanoh ai mangihutkon parbagiananni bei, ibere halak Israel ma parbagianan ni si Josua, anak ni si Nun, i tongah-tongah ni sidea.
50 Mangihutkon pangkatahon ni Jahowa ibere sidea ma bani huta na pinindoni, ai ma Timnat-Sera, na i Dolog Efraim. Jadi ipauli ma huta ai anjaha marianan ijai.
51 Ai ma parbagianan, na binagihon ni malim Eleasar pakon si Josua, anak ni si Nun, pakon kopala ni marga ni halak Israel mar sasaompung marhitei ruji-ruji i Silo, i lobei ni Jahowa, dohorhon labah ni lampolampo partumpuan ai. Sonai ma pandobkon ni sidea bani parbagi ni tanoh ai.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA