Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ 'O 'Ahadi ma wange kaitaru-tarusikasi, ngo Maria Magdalena motagi 'o bo'osukika. De mamake ma bo'osuku ma ngorana ma da-datoko 'o teto gee yatuluruokau.

² So kamoowa-owara makinonu 'o Simon Petrus de 'o do-domoteke gee 'o Yesus wisiboso-bosono de yomagiamanai ma sala, de kamongosekau 'onaka, "Ma Jou wi'esekau 'o bo'osukoka, ngoi kotanakowa kiaka winoaka."

³ Ge'enaka de 'o Petrus de 'o do-domoteke 'iregu go'ona yotagi 'o bo'osukika.

⁴ 'Ona yamididi kayoowa-owara ma 'o do-domoteke 'iregu gee 'ifoloi wotaiti de 'o Petrus, so 'una 'isira wototara 'o bo'osukika.

⁵ 'Una watutumu ma bo'osuku ma dodaka de wamake 'o songene ma sa-sao ge'enaka, ma 'una kowowosanguwa.

⁶ 'O Simon Petrus wotu'uruno kawogila-gilaka wowosanga ma bo'osuku ge'ena ma dodaka. 'Una wamake 'o songene ma sa-sao ge'enaka,

⁷ ma 'o Yesus 'awi saeke ma bu-busuku koi'iwau ge'ena wi sa-sao ma datekoka so 'ena 'itingaika 'ipelelenou.

⁸ Ge'enaka de 'o do-domoteke gee wosiraka 'o bo'osuika, wowosanga mita. 'Una ma wamake de wongaku.

⁹ (Sigado ma 'orasi ge'ena 'ona koyasahewasi 'okia naga gee 'isitulisuku 'o Buku 'Itebi-tebinoka 'ato 'o Yesus salingou wowangoli ngaro wosongenukou ma.)

¹⁰ Ge'ena 'ipasa de 'o Yesus 'awi do-domoteke go'ona yolio.

¹¹ Ngo Maria Magdalena moma'okode 'o bo'osuku ma daarioka de mo'ari-'ari. Mo'ari ma de matutumu 'o bo'osuku ma dodaka,

¹² de mamake 'o mala'ekati 'o ngai modidi ma baju ya'are-'arese. 'Ena 'igogerie 'o Yesus 'awi songene ma rioka, moi 'awi saekisa de moioli 'awi douoko.

¹³ 'O mala'ekati 'o ngai modidi ge'ena 'isano, "'Esa 'ido'oa so no'ari?" Ngo Maria mosango, "'Ai Jou wi maieti ya'esekau, de kotosidongoowa kiaka winoaka."

¹⁴ Koge'ena mongoseka, de momadutumu 'ami dudunoko de mimake 'o Yesus woma'okode ge'enaka. Ma muna kominakowa 'ato gu'una 'o Yesus.

¹⁵ 'O Yesus wosano munaka, "'Eme, 'ido'oa so no'ari? Nago'ona nakinonu?" Ngo Maria muna mongose 'una 'o bairi woma-manarama so kamongosekau, "Bereki, nako ngona wonito'orakoka ne'enaka, de noisidemo kiaka woninoaku la towi'ese."

¹⁶ 'O Yesus kawongosekau munaka, "Maria!" Ngo Maria momadutumu so milega-lega 'o Yesusika de kamongosekau de 'o Ibranioka manga demo, "Rabuni!" (Ngone tanu "'Aba Guru".)

¹⁷ 'O Yesus kawongosekau, "'Uwau noi'ao, sababu ngoi kotoliowasi 'ai Deade. Ma tagi nositotara 'ai riaka dodotika, de nosidemo 'ato ma 'orasi ne'ena ngoi tolio nanga Deade ge'ena la ma Jo'oungu ma Dutude."

¹⁸ So ngo Maria motagi mositotara 'o Yesus 'awi do-domoteika 'ato muna mimakekau ma Jou, de mositotara mita 'iodumu gee ma Jou wosikokidemokau munaka.

¹⁹ Kage'enali ma Gareja ma wange 'iobiruku, 'o Yesus 'awi do-domoteke yomalomuno 'o woa moioka yomasidukucika, sababu yakidomodongo 'o Yahudioka manga balu-balusika. De 'o Yesus woboa woma'okode manga sigoronaka de kawongosekau, "Tabea, 'Esa moi! Tanu ngini kaniosa-sanangi."

²⁰ Koge'ena wongoseka de wakisidumutu 'awi giama de wi meseoso. Gee 'ona wimake ma Jou de yomorene ma sala.

²¹ Ge'enaka de 'o Yesus ma moiosi wongose 'onaka, "Tabea! Tanu ngini kaniosa-sanangi. 'Isoka 'ai Dea woisuloko ngoi, koge'enali mita ne'ena ngoi tinisuloko ngini niotagi 'o duniaka ne'ena."

²² Ge'enaka de 'una 'awi ngomasa wakisiuwaka 'onaka de kawongosekau, "Niadawongo 'o Ngomasa 'Itebi-tebini.

²³ Nako ngini niakisipidili 'o nyawa manga sowono, ma Jo'oungu ma Dutu mita wakisipidili manga sowono. Nako ngini koniakisipidiluwa 'o nyawa manga sowono, ma Jo'oungu ma Dutu mita kowakisipidiluwa."

²⁴ 'O Tomas gee wisironga 'o Sago, 'o do-domoteke gee yamogiooko de modidioka wimoi, 'una kowi'iwa ma 'orasi 'o Yesus woboa 'o do-domotekino go'ona.

²⁵ So 'o Yesus 'awi do-domoteke 'iregu-regu kayongosekau 'unaka, "Ngomi mimakekau ma Jou!" Ma 'o Tomas wosango, "Nako ngoi kotamakewasi 'o paku ma rio 'awi giamoka, kotodonoawasi 'ai ra-raga 'awi daboka 'o paku ma rio gee, de kotodonoawasi 'ai giama 'awi meseoso ma daboka, ge'ena ka ma eta ma kotongakuwasi."

²⁶ 'O 'ahadi moi 'ipasa de 'o Yesus 'awi do-domoteke yomalomunoli ma ngiioka ge'ena, de 'o Tomas mita ge'enaka. 'O ngorana 'iodumu 'ikucioka. Ma 'o Yesus woboa de woma'okode manga sigoronaka, de kawongosekau, "Tabea! Tanu ngini kaniosa-sanangi."

²⁷ Ge'enaka de 'o Yesus kawongosekau 'o Tomasika, "Nalega 'ai giama de nodonoaku 'ani ra-raga ne'enaka. 'Ani giama nanoaku 'ai meseoso ma daboka. 'Ani singina 'uwau 'ikapulasi ma nongakukau!"

²⁸ 'O Tomas kawongosekau 'o Yesusika, "Ngona ge'ena to ngoi 'ai Jou ge'ena la ma Jo'oungu ma Dutu gee tonisuba-suba!"

²⁹ So 'o Yesus kawongosekau 'unaka, "Ngona nongaku sababu noimakekau! Yosanangioka 'o nyawa gee yongaku ngaro koimakewa ma!"

³⁰ 'O gudaiosi 'o no-nako 'ihera-herangi gee 'o Yesus wodi-diai 'awi do-domoteke manga bionoka, ma koisitulisuwa ma bukuoka ne'ena.

³¹ Ma ne'ena 'iodumu 'isitulisuku, la ngini niongaku 'ato 'o Yesus ge'ena ma Koana 'o Nyawa Wosilaha-laha gu'una, ma Jo'oungu ma Dutu 'awi Ngowaka, la de nia ngo-ngaku 'unaka, ngini niamake 'o 'ahu 'ika-kakali.

Yohanes

Video Yohanes 20

Ikuti Kami:

KONTAK | PARTISIPASI | DONASI