Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nina TUHAN man BangsaNa, "Lakokenlah kai si bujur dingen sue ras peratenKu. Sabap kentisik nari Kukelini me kam.
2 Kupasu-pasu kalak si la mekarus nandangi wari Sabat, dingen si makesa bagi arusna. Kupasu-pasu kalak si la ngelakoken kejahaten."
3 Bangsa si deban si nggo ersada ras TUHAN, ula min nina ngerana, "La ibere TUHAN aku nembah ras BangsaNa." Si nggo iagui kinidilakinna, ula min iakapna ia la banci bengket ku bas bilangen bangsa Dibata erkite-kiteken la lit kesusurenna.
4 Ikataken TUHAN man kalak si bage, "Adi ipehagandu Aku alu nginget wari Sabat, janah ilakokenndu kai si ngena ateKu janah alu tutus igelemndu perpadanKu,
5 emaka iinget gelarndu i bas Rumah PertotonKu ras i tengah-tengah bangsangKu, ulin asangken adi lit anakndu dilaki tah diberu. Asa ndigan pe la kam ilupaken."
6 Jenari nina TUHAN kempak bangsa si deban si nggo ersada ras Ia, si erkeleng ate ras nembah man BaNa, si nginget wari Sabat janah alu tutus nggelem PerpadanNa,
7 "Kubaba kam ku Sion, delengKu si Badia. Kubere keriahen man bandu i bas rumah persembahenKu, janah Kualoken persembahen si ipersembahkenndu i das batar-batarKu. Rumah PertotonKu igelari rumah ingan ertoto man kerina bangsa."
8 TUHAN si Erdolat, si nggo naruhken BangsaNa Israel mulih i bas pembuangen nari, nggo erpadan maka IbabaNa denga tole bangsa si deban ikut ras BangsaNa e.
9 TUHAN nggo nuruh bangsa-bangsa si deban reh desken rubia-rubia merawa guna njerngem BangsaNa.
10 Nina TUHAN, "Kerina peminpin-peminpin e arusna min mpersingeti bangsangKu; tapi pentang ia kerina, kai pe la ietehna. Peminpin-peminpin e bali ras biang si la nggit ngereng. Gempang saja ia janah nipi-nipin. Medem atena rusur!
11 Ia kerina bali ras biang si rangap si la pernah besur. Peminpin-peminpin e la lit pengertinna; kerina ia ngelakoken bagi ate-atena janah beltekna saja ngenca iukurkenna.
12 'Mari si buat anggur,' nina pemabuk-pemabuk e, 'minemlah kita asa puasta. Wari si pagi ulin denga nge asa sendah!'"
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA