Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 E bakto jareya oreng babine’ kapetto bakal nyandhaga settong lalake’ sambi ngoca’, "Edine kaula nyebbut sampeyan lake kaula, sopaja kaula ta’ todhus polana ta’ alake. Diggal kaula nyareya kakan sareng angguy dibi’."
2 E settong bakto PANGERAN bakal matombuwa men-tamennan ban ka’-bungka’an e kottha reya sampe’ daddi raja ban bagus. E bakto jareya oreng Isra’il se salamet bakal peraga ban gumbira polana hasella tanana.
3 Saneyap oreng se gi’ badha e Yerusalim, reng-oreng se epele epasalamedda bi’ Allah, bakal ekoca’a socce.
4 Kalaban kobasana PANGERAN bakal ngadilana ban mamorneya ommadda. Yerusalim bakal epaberseya dhari dharana reng-oreng se epate’e e kottha jareya.
5 Saellana jareya e attassa Gumo’ Siyon ban e attassa sakabbinna oreng se akompol e jadhiya PANGERAN bakal mabadha’a ondhem e bakto seyang ban okos sarta apoy se rabbang tera’ e baja malem. Kamolja’anna Allah dibi’ bakal ngaobana saantero kottha jareya.
6 Kottha jareya bakal eaobana dhari panas se ngeltak e baja seyang, ban bakal epadaddiya kennengnganna pangaobanna oreng dhari ojan derres ban kaleng busbus.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA