Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kira-kira i bas paksa si e, sakit Raja Hiskia janah nandangi mate. Nabi Jesaya anak Amos reh ndahi ia, janah nina man raja, "TUHAN nuruh kam maka ikatakenndu pedahndu si perpudina man kerina isi jabundu, sabap labo kam malem. Ersikaplah kam ngaloken kematenndu."
2 Itukupken Hiskia ayona ku dingding, jenari ertoto ia nina,
3 "Ingetlah min TUHAN, maka nggo kusembah Kam alu tutus dingen patuh, janah tetap ngelakoken kai AteNdu ngena." Kenca bage tangis Hiskia, megogo kal atena.
4 Kenca bage iperentahken TUHAN man Jesaya
5 gelah mulihken ndahi Hiskia lako ngataken man bana, "Aku, TUHAN, Dibata nu nini-ninindu Daud nggo megi pertotonndu janah ngidah iluhndu mambur. Kupegedang umurndu sepulu lima tahun nari.
6 Kupulahi kam ras kota Jerusalem enda i bas raja Assur nari, janah tetap Kukawali kota enda." <38:21> - Kenca bage isuruh Jesaya gelah idampelken sada buah ara si medakdak ku bareh raja, gelah malem. <38:22> - Nungkun Raja Hiskia nina, "Kai dage tandana maka ngasup pagi aku lawes ku Rumah Pertoton?"
7 Ngaloi Jesaya nina, "Ibereken TUHAN man bandu tanda maka IsehkenNa me PadanNa.
8 Awih-awih si lit i bas tangga si ipajekken Raja Ahas, ibahan TUHAN surut sepuluh jingkang." Emaka surut me awih-awih e sepuluh jingkang.
9 Kenca Hiskia malem i bas penakiten nari, ibahanna ende-enden pujin enda:
10 "Kuakap kin mbarenda, tupung aku setengah umur denga, berkat me aku ku doni kematen, janah i je me tahun-tahunku kukeriken.
11 Kuakap kin mbarenda, i bas doni kegeluhen enda, TUHAN lanai ndigan pe kuidah, bage ka pe jelma si nggeluh.
12 Peltep me kesahku, nggo seh sipatku, desken sapo-sapo permakan si iruntuhken, desken uis si ikeret i bas pertenunen nari, kuakap kin ipengadi Dibata me geluhku.
13 Gedang-gedang berngi nderkuh aku ban suina, tempa-tempa tulan-tulanku iripukken singa, janah kuakap kin maka geluhku ipengadi Dibata.
14 Sorangku kote desken sora kalimpines, ndehereng aku bagi nderapati. Matangku latih nare ku datas; TUHAN, pulahi min aku bas kesusahen enda nari.
15 Kai nari banci kubelasken? Enda perbahanen TUHAN. Ngilas kuakap, emaka lanai tertunduhken.
16 TUHAN, geluhku kupersembahken man bandu saja; pepalem aku, janah berelah aku nggeluh.
17 Ateku ngilas salih me jadi dame, sabap IkeliniNdu geluhku i bas kerina cilaka nari; IalemiNdu kerina dosa-dosangku.
18 I bas doni kematen, la lit ise pe si banci muji Kam, kalak mate la banci ngarapken KesetianNdu.
19 Jelma si nggeluh nge si muji Kam, bagi aku muji Kam genduari. Bapa-bapa nuriken KesetianNdu man anak-anakna.
20 TUHAN, nggo IpepalemNdu aku. Ikuit kami me kulcapi dingen ngendeken puji-pujin BaNdu. I bas Rumah PertotonNdu iendeken kami puji-pujin, kidekah umur geluh kami."
21 (Yes 38:6)
22 (Yes 38:6)
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA