Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Pasapuluhompat-tahunkon dob raja si Hiskia, tangkog ma si Sanherib, raja ni si Assur manlawan sagala huta na toguh na i Juda, anjaha ipatunduk ma ai.
2 Jadi isuruh raja ni Assur ma Rabsake hun Lakis hu Jerusalem, laho marayak Raja Hiskia, marhasoman buei bala. Jadi jongjong ma ia bani bondar ni bongbongan na hampit huluan, bani dalan na bolon na laho hu ladang pamurihan.
3 Dob ai luar ma manjumpahkonsi, si Eliakim anak ni si Hilkia, sijaga rumah bolon ai, pakon si Sebna jurutulis ai, ampa si Joah, anak ni si Asap, sipanuturi ai.
4 Nini Rabsake ai ma dompak sidea, “Patugah nasiam ma bani si Hiskia, ʻSonon do hata ni raja na bolon in, raja ni Assur: Ai aha do hatengeran na pinangunsagahkonmin?ʼ
5 Nini uhurmu gakni, sungkup ma hata ni bibir tumang gabe haputusan ampa kuasa ibagas hamunsuhon? Ai pe, hubani ise do ho marpangarapan, ase pag ho marbalik humbangku?
6 Tonggor ma, mangunsagah do ho bani tungkot tolong na marosak, ai ma Masir, na manolpusi tangan ni jolma na martungkotkonsi. Sonai do pambahenan ni Parao, raja ni Masir, bani sagala na martenger ni uhur bani.
7 Tapi anggo porini ihatahon ho hu bangku, “Martenger ni uhur bani Jahowa Naibatanami do hanami,” ai lang ia do ai, na dob iparseda si Hiskia panombahanni na i buntu-buntu ampa anjapanjapni, sanggah na ihatahon bani Juda pakon Israel: Maningon i lobei ni anjapanjap on do nasiam marrogop?ʼ
8 On pe, martaruh-taruh ma ho pakon tuanku, Raja Assur, ʻHubere ma bam dua ribu huda, atap na boi do tarpasirsir ho na mangajak ai!ʼ
9 Ija ma tartahan ho mangimbang sahalak gelah humbani juakjuak ni tuanku sietekan. Martenger ni uhur do ho tene bani Masir, halani gareta pakon bala parhudani?
10 Ambahni ai, iagan ho na so mangunsagahkon Jahowa do gakni ahu tangkog hu tanoh on, laho parsedahon in? Jahowa do na mangkatahon bangku, ʻTangkog ma ho hu tanoh in, anjaha parseda ma in!ʼ
11 Dob ai nini si Eliakim pakon si Sebna ampa si Joah ma bani Rabsake, ʻDearan ma marsahap Aram ham bennami, juakjuakmu on, ai iarusi hanami do in. Ulang ma marsahap Jahudi ham bennami ibogei bangsa in, na i atas tembok in.ʼ
12 Jadi nini Rabsake ma, ʻAi hubani tuanmu pakon hu bam gakni ahu isuruh tuanku mangkatahon hata on? Ai lang dihut do bani dalahi na i atas tembok in, na maningon mangankon ginagatni anjaha manginum bah na niinumni rap pakon hanima?ʼ
13 Dob ai jongjong ma Rabsake ai ipamaling ma sorani ibagas sahap Jahudi, nini ma, ʻTangihon nasiam ma hata ni raja na bolon, raja ni Assur!ʼ
14 Sonon do hata ni raja ai, ʻUlang ma ra nasiam paoto-otoan ni si Hiskia, ai lang tolap ia paluahkon nasiam.ʼ
15 Anjaha ulang ma ra nasiam ojur-ojuron ni si Hiskia marhatengeran bani Jahowa marhitei na mangkatahon, ʻSai paluahon ni Jahowa do hita, seng anjai ondoskonon-Ni huta on hubagas tangan ni Raja Assur.ʼ
16 Ulang ma tangihon nasiam si Hiskia, ai sonon do hata ni Raja Assur, ʻMardamei ma nasiam pakon ahu, anjaha luar ma nasiam manjumpahkon ahu, ase ganup nasiam bulih mangan humbani hayu anggurni, ampa humbani hayu arani, anjaha ganup nasiam boi minum humbani parigini,
17 paima roh ahu mangalop nasiam hu tanoh na songon tanoh nasiam on, hu tanoh hatubuhan ni gandum pakon anggur, hu tanoh na lobihan bani ruti pakon pohon anggur.ʼ
18 Ulang ma ra nasiam paoto-otoon ni si Hiskia marhitei na mangkatahon, ʻSai paluahon ni Jahowa do hita. Naha, mintor tarpaluah naibata ni bangsa-bangsa ma nagori ni sidea bei humbani tangan ni Raja Assur?ʼ
19 Ija do naibata ni Hamat pakon Arpad? Ija do naibata ni Separwaim? Ai tarpaluah sidea do Samaria hun tanganku?
20 Ise ma humbani naibata ni nagori ondi na tolap paluahkon nagori ni sidea humbani tanganku? Mintor tarpaluah Jahowa ma Jerusalem humbagas tanganku?
21 Jadi sip ma sidea, seng dong ibalosi age sangkababah hata, ai sonai do parentah ni raja ai, ʻUlang balosi nasiam ia!ʼ”
22 Dob ai roh ma si Eliakim, anak ni si Hilkia, sijaga rumah bolon pakon si Sebna, jurutulis ai ampa si Joah, anak ni si Asap, panuturi ai, marayak si Hiskia marhiou na marigat, laho patugahkon hu bani, hata ni Rabsake ai.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA