Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Tonggor ma, ibagas hapintoron marrajai sada raja, anjaha pambobai romban hubani habonaron manggomgom.
2 Anjaha ganup sidea songon parlingodan humbani logou madoras do, songon panisioan humbani haba-haba, songon bah mardalan bani tanoh na horah, anjaha songon linggom ni dolog batu na banggal i tanoh dorging-dorging.
3 Jadi seng be tutupon mata ni halak na marpangidah, anjaha tangi do pinggol ni halak na marpanangar.
4 Uhur na urahtu mambahen haputusan gabe marpartimbangan do, anjaha dilah ni halak na bebet, pandei anjaha torang marsahap.
5 Halak na bodoh, seng be igoran halak na sangap, anjaha halak sipangoto-otoi, seng be igoran halak na marmulia.
6 Tongon, haotoon do isahapkon halak na oto, anjaha uhurni manguhuri hajahaton, laho mangkorjahon hasamboron, laho mansahapkon na lepak pasal Jahowa, laho paturutkon holtei-holteian halak na loheian anjaha laho mambuat siinumon humbani na horahan.
7 Hajahaton do akal-akal ni siparakal-akal, sai marranggi-ranggi do ia laho mangagou halak na madoyuk marhitei hata ladung, age pe hata sintong ihatahon halak na masombuh.
8 Tapi halak paruhur na pitah, hapitahon do ipingkiri, anjaha totap do ia marsijoloman bani na pitah.
9 Jongjong ma hanima, ale parinangon na marsonang-sonang, tangar hanima ma hatangku, ale anak boru sipangenjeng, tangihon hanima ma sahapku!
10 Tar satahun nari hitir-hitir ma hanima ale sipangenjeng, ai salpu ma pambuatan anggur, pariama buah ni hayu seng dong be.
11 Hitir ma, ale parinangon na marsonang-sonang, gobir ma ale anak boru sipangenjeng! Tanggali ma pakeiannima, gabe talanjang ma, gonditi ma binongeinima bani guni!
12 Marsitompuk tontonni bei ma hanima, halani juma na dear-dear, halani hayu anggur na ramos,
13 halani tanoh ni bangsangku, na mantubuhkon hupi-hupi ampa suga-suga, tongon, halani haganup rumah parmegah-megahan na i huta na mariah in.
14 Ai tadingkononkon do istana-istana, mangadi hariahon ni huta, buntu-buntu ampa manara panjagaan, gabe liang ma lalab, gabe malas ni uhur bani halode liar, sampalan bani pinahan,
15 paima iuseihon banta Tonduy na hun datas, gabe tanoh na lambutan halimisan anjaha tanoh na lambutan gabe doskon tombak.
16 Marianan ma habonaron i halimisan, anjaha hapintoron marianan bani tanoh na lambutan.
17 Buah ni hapintoron ai ma damei, anjaha pangkorhon ni habonaron ai ma hasonangan ampa haatokon ronsi sadokah ni dokahni.
18 Jadi marianan ma bangsangku bani ianan hadameion, bani ianan na sonang, ampa ianan parsaranan na minop.
19 Anjaha bois do rumbakkononkon harangan ai, anjaha nepnep tumang do huta ai bahenon.
20 Martuah ma nasiam na boi martidah i lambung ni bah mardalan, anjaha na boi palopaskon mardalani lombu ampa halode.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA