Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kalaban dhabuna Sargon, rato Asyur, panglimana tantarana Asyur entar nyerrang Asdod, settong kottha e Filistin.
2 Tello taon sabellunna, PANGERAN makon Yesaya pottrana Amos mokka’ kasodda ban kaen karong se eagem. Yesaya norodi papakon jareya pas alomampa abangkang ban ta’ akasodan.
3 E bakto kottha Asdod ekeppong, PANGERAN adhabu, "Yesaya Tang abdi rowa la tello taon abangkang ban ta’ akasodan. Jareya dha-tandhana parkara apa se bakal kadaddiyana e Messer ban Sudan.
4 Rato Asyur bakal nawana reng-oreng dhari nagara se dhadhuwa’ jareya, reng-oreng jareya bakal egiringa e dhalem kabadha’an abangkang. Towa ngodha kabbi bakal ajalana ta’ akalambi ban ta’ akasodan, bangkongnga etangale’e, kaangguy ya-nyeya Messer.
5 Reng-oreng se ngandellagi Sudan ban ngedirragi Messer kare angar, pangarebba ancor.
6 E bakto jareya reng-oreng se abengko e paseser bakal ngoca’a kantha reya, ‘Abassagi baramma daddina bangsa se eandellagi sengko’ ban ba’na, se earep masalamedda sengko’ ban ba’na dhari rato Asyur. Baramma sengko’ ban ba’na se bisa’a salamet?’"
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA