Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 I lepar lau mbelin i Sudan, lit sada negeri i ja terbegi sora kabang si erdegur.
2 I bas negeri e nari rehen wakil-wakil raja arah Lau Nil nangkih perahu si ibahan i bas batang bero nari. Mulihlah ku kutandu o persuruhen si pedas erdalan. Baba berita ku kutandu si melala lau belinna e, ku negerindu si megegeh dingen si erkuasa, ku bangsandu si nggedang kalakna dingen melinang kulitna, si ibiari kalak i belang-belang doni enda.
3 Begikenlah o kerina manusia si ngiani doni! Perdiatekenlah bendera perang si ipenangkih i datas deleng-deleng! Dengkehkenlah sora terompet perang!
4 Nina TUHAN man bangku, "I Surga nari Kuperdiateken doni enda alu teneng, bali tenengna ras namur si jadi i bas berngi si ngisah tupung paksa peranin, bali ras matawari tupung pantek ciger.
5 Ope denga buah anggur iperani, ope denga buah anggur e tasak i bas batangna, kenca bungana nggo jadi mutik, musuh nggo engkernepken bangsa Sudan bali sukahna ras piso engkeret batang anggur.
6 Mait tentera Sudan ipelepas ampar-ampar man pangan perik-perik ras rubia-rubia si meliar. Tupung paksa perlego mait-mait e jadi nakan perik-perik, janah tupung paksa mbergeh jadi nakan rubia-rubia."
7 Seh me paksana maka TUHAN si Mada Kuasa ngaloken persembahen i bas negeri si melala lau belinna enda nari, negeri si megegeh ras erkuasa e, si jelmana gedang ras kulitna melinang, si ibiari i belang-belang doni. Reh me ia kerina ku Deleng Sion, ingan nembah man TUHAN si Mada Kuasa.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA