Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Sabellunna rato Messer nyerrang Gaza, PANGERAN adhabu ka sengko’ parkara nagara Filistin.
2 PANGERAN adhabu, "Abas, aeng agili dhari dhaja ngalowa akantha songay se banjir notobi nagara ban essena, tha-kottha ban pandhudhu’na. Oreng bakal atharada menta tolong ban ra’yat kabbi bakal nangesa.
3 Reng-oreng jareya bakal ngedhinga garadabba sokona jaran, karethe’na ta-kareta perrang ban yek-kareyegganna rodhana. Oreng towa bakal ta’ andhi’a kakowadan ban ta’ mekkere ana’na.
4 La napa’ baktona bangsa Filistin epatompes kabbi, sampe’ Tirus ban Sidon ta’ olle bantowan pole. Sengko’, PANGERAN, matompessa sakabbinna karena oreng Filistin dhari Kareta.
5 Oreng Gaza nemmo kasossa’an raja; pandhudhu’ Askelon ta’ kalowar oca’. Sampe’ bila karena oreng Filistin se sossa’a?
6 Ba’na aera’, ‘Peddhangnga PANGERAN, sampe’ bila ba’na se nyerranga terros? Mara maso’ ka barangkana, terros neng e jadhiya ja’ aguliyan!’
7 Tape baramma se bisa’a neng-enneng ta’ aguliyan mon Sengko’ marenta’agi sopaja nyerranga Askelon ban pandhudhu’ e penggir sereng?"
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA