Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ope denga raja Mesir reh nerang Gasa, reh kata TUHAN man bangku kerna Pilisti,
2 nina, "Nehenlah! Mulsak me lau belin i Utara nari, jenari ergalun desken sada lau belin banjir. Ilembana kerina negeri ras kerina si lit i je, subuk kota-kota ras kalak si enggeluh i je, serko kalak mindo penampat, kerina kalak si ringan i doni enda nderkuh kerina.
3 Ibegina sora perkiam nahe kuda, ibegina sora gereta si erderak-derak, sora rodana si erdengik-dengik. Perbapan lanai mulihken ndahi anak-anakna, kote tanna lanai ergegeh.
4 Nggo seh paksana Pilisti ikernepken, i ja penampat si rehna i Tirus ras Sidon nari. Aku TUHAN, Pilisti pasti Kukernepken, eme kerina kalak si reh i pulau Kreta nari.
5 Kiniseran si mesangat nggo reh engkenai kalak Gasa, Askelon nggo sip. Asa kai nari dekahna ceda ate kalak Pilisti si deban?
6 Nindu serko, 'O pedang TUHAN! Ndigan kam ngadi nebak? Mulih kam min ku sembungndu, i je kam tading dingen ringan!'
7 Tapi uga banci pedang TUHAN ngadi, adi Kusuruh kin ia erdahin? Nggo Kuperentahken ia ngeradasken Askelon; dingen kalak si ringan i tepi lawit."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA