Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kenca Sedekia anak Josia jadi raja Juda, reh kata TUHAN man bangku,
2 gelah kubahan sada pasangen ras tinalina, maka kutamaken ku kudukku.
3 Kenca bage isuruh TUHAN aku nehken KataNa man raja Edom, Moap, Amon, Tirus ras Sidon, arah persuruhen si nggo reh ku Jerusalem njumpai Sedekia.
4 TUHAN si Mada Kuasa, Dibata nu Israel nuruh aku merentahken persuruhen-persuruhen e gelah ipesehna man rajana kata si ikataken TUHAN nina,
5 "Alu gegeh ras kuasangKu nggo Kutepa doni, manusia ras kerina rubia-rubia si enggeluh i je, jenari Kubereken man kalak si Kupilih.
6 Aku kap si namaken kerina bangsa-bangsa enda i teruh kuasa suruh-suruhenKu, Raja Nebukadnesar i Babilon nari. Rubia-rubia si meliar pe Kutetapken gelah erdahin guna ia.
7 Kerina bangsa-bangsa erdahin guna ia, bage pe guna anakna, terus ku kempuna ngadi-ngadi seh paksana bangsana runtuh. Kenca bage maka bangsana erdahin guna bangsa-bangsa si megegeh dingen raja-raja si mbelin.
8 Tapi adi lit bangsa entah kerajan la nggit nembah dingen nareken kudukna ngaloken pasangen i bas raja Babil, bangsa si bage Kuukum salu perang, kelihen dingen penakit, seh ngayak Kupediat Nebukadnesar ngkernepkenca seh keri.
9 Ula begiken nabi-nabindu ntah kalak si ngataken maka itehna wari si pepagi, subuk e arah nipi entah alu ngelebuh begu-begu kalak mate entah alu ertendung, si ngataken maka ula kam nggit talu iteruh raja Babilon.
10 Itipuna nge kam, dingen ibahanna kam iangkut ndauh i bas negerindu nari. Kupelawes me kam dingen ikernepken me kam.
11 Tapi adi lit bangsa si nggit nembah man raja Babilon janah erdahin guna ia, emaka Kupediat ia tading i bas negerina jine, nuan-nuan dingen enggeluh i je. Aku kap TUHAN si nggo melasken ranan enda."
12 Kata enda pe kupeseh man Sedekia raja Juda ningku, "Nembahlah man raja Babil. Erdahinlah guna ia ras rayatna maka kam enggeluh.
13 Pangen kin kam ras rayatndu mate i bas perang, kelihen dingen penakit? Enda kap si ikataken TUHAN kerna bangsa-bangsa si la nggit talu iteruh kuasa raja Babilon.
14 Ula begiken nabi-nabi si nuruh kam gelah ula talu iteruh kuasana. Itipuna nge kam.
15 TUHAN jine kap si ngatakenca maka nabi-nabi e labo PersuruhenNa, dingen ibualina nge kam i bas gelar TUHAN. Emaka IpelawesNa me kam jenari IbunuhNa, kam ras nabi-nabi perguak e."
16 Emaka kukataken kata TUHAN man imam-imam dingen bangsa e ningku, "Ula dengkehken nabi-nabi si ngataken maka ugas-ugas Rumah Pertoton lanai ndekahsa ibaba nge i Babilon nari. Ibualina nge kam.
17 Ula dengkehken ia! Talulah iteruh kuasa raja Babilon emaka enggeluh! Madin kin iakapndu kota enda jadi meruntuh?
18 Adi payo kin ia nabi dingen lit kin katangKu i bas ia, suruh dage sungkunina Aku TUHAN si Mada Kuasa, maka la Kubere ugas-ugas si tading denga i Rumah Pertoton, i bas istana raja dingen i Jerusalem iangkut ku Babilon.
19 (Tupung Raja Nebukadnesar ngangkut Joyakin anak Joyakim raja Juda dingen peminpin-peminpin Juda ras Jerusalem ku Babilon ugas-ugas si la ikut ibabana eme: binangun Rumah Pertoton, tong tembaga, gereta-gereta, ras piga-piga erta-erta Rumah Pertoton.)
20 (Yer 27:19)
21 Begiken kai si Kukataken, Aku TUHAN si Mada Kuasa Dibata nu Israel, kerna ugas-ugas si tading denga i bas Rumah Pertoton ras i bas istana raja i Jerusalem:
22 ibaba me kerina ku Babilon janah tading i je seh ia Kuperdiateken ka. Kenca bage Kubaba ia mulih janah Kuulihken ku bas ingan enda. Aku TUHAN kap si nggo melasken ranan enda."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA