Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 E taon se kapeng empa’ saellana Yoyakim pottrana Yosiya jumenneng rato Yehuda, sengko’ narema dhabu dhari PANGERAN parkara sakabbinna bangsa Yehuda. E bakto jareya Nebukadnezar buru olle sataon se jumenneng rato Babil.
2 Sengko’ ngoca’ ka sakabbinna bangsa Yehuda ban pandhudhu’ Yerusalim,
3 "La dhu polo taon abidda, iya reya sajjegga Yosiya pottrana Amon la olle tello bellas taon se marenta Yehuda, sampe’ sateya reya PANGERAN abu-dhabu ka sengko’, ban sakabbinna dhabuna jareya bi’ sengko’ ros-terrosan epanapa’ ka ba’na. Tape ba’na ta’ parduli.
4 Bariya keya PANGERAN ngotos para nabbi ban para abdina ka ba’na, tape ba’na ta’ endha’ ngedhingngagi.
5 Para nabbi ban abdina Allah jareya nyoro ba’na sopaja padha ambu ngalakone tengkana se jahat e dhalem odhi’na, ban sabarang lalakonna se dusa, sopaja ba’na bisa’a paggun enneng e nagara reya se bi’ PANGERAN la eparengngagi ka ba’na ban ka para bangatowana ba’na menangka sangkolan.
6 Bi-nabbi jareya alarang ba’na nyemba ka lah-illah laen, alarang ba’na nyemba ka la-brahala gabayanna ba’na dibi’ sabab jareya maduka panggaliyanna PANGERAN. Mon ba’na norodi papakonna PANGERAN jareya, ba’na ta’ kera eokom.
7 Tape PANGERAN dibi’ adhabu ja’ ba’na ta’ endha’ ngedhingngagi Salerana. La’-mala’ ba’na maduka Salerana lantaran la-brahalana ba’na jareya. Ba’na dibi’ se madhateng okoman ban badanna dibi’.
8 Lantaran ba’na ta’ endha’ ngedhingngagi dhadhabunna, daddi PANGERAN Se Mahakobasa adhabu,
9 ‘Sengko’ madhatengnga sakabbinna bangsa dhari dhaja, bariya keya Tang abdi, Rato Nebukadnezar rato Babil. Bi’ Sengko’ reng-oreng jareya epamerrangana Yehuda ban pandhudhu’na sarta sakabbinna bangsa e sabingkerra. Bangsa Yehuda ban sa-bangsa tatanggana bi’ Sengko’ epatompessa ban bi’ Sengko’ edina’a sampe’ ancor salanjangnga. Reng-oreng se nangale’e bakal takerjada ban arassa marenges. Sengko’, PANGERAN, la ngoca’.
10 Sowarana reng-oreng jareya se perak ban men-rammenna jang-onjanganna pangantan bi’ Sengko’ epaserebba. Reng-oreng jareya bakal ta’ andhi’a mennya’ se ekadamara ban ta’ andhi’a karena gandum pole.
11 Nagara reya bi’ Sengko’ edina’a me’ olle ancor kabbi ban daddi seppe. Sa-bangsa e sabingkerra bakal ngabdiya ka rato Babil pettong polo taon abidda.
12 Saellana jareya bangsa Babil ban ratona bi’ Sengko’ eokoma polana sa-dusana. Nagara Babil bi’ Sengko’ epagujura ban edina’a me’ olle ancor salanjangnga.
13 Bi’ Sengko’ Babil eokoma bi’ sakabbinna balai se bi’ Sengko’ la pajat esajja’agi kaangguy sa-bangsa kabbi ban se bi’ Sengko’ la ekabala kalaban parantara’anna Yeremiya — iya reya sakabbinna balai se ecathet e dhalem ketab reya.
14 Sabarang lalakonna reng-oreng Babil bi’ Sengko’ ebalessa; reng-oreng Babil bakal ekadunora bi’ to-rato raja sarta bi’ sa-bangsa sabannya’na.’"
15 PANGERAN, Allahna Isra’il, adhabu ka sengko’, "Kala’ gellassa anggur reya se bi’ Sengko’ la eesse’e anggur kapeggellanna Tang ate. Giba ka saneyap bangsa se bi’ Sengko’ esoro entare ka ba’na, ban soro enom anggur reya.
16 Mon reng-oreng jareya ngenom anggur reya, tanto pas dhing-tabarindhing ban elang akkalla lantaran paperrangan se bi’ Sengko’ epadhatengnga ka reng-oreng jareya."
17 Daddi gellassa anggur jareya bi’ sengko’ ekala’ dhari astana PANGERAN; sengko’ laju entar ka sakabbinna bangsa se bi’ PANGERAN epakon entare ka sengko’; sa-bangsa jareya bi’ sengko’ epangenom anggur jareya.
18 Yerusalim ban sakabbinna kottha e Yehuda, ban to-ratona sarta ja-pangrajana, bi’ sengko’ epangenom anggur jareya, sampe’ kabbi daddi akantha teggal se kajal se abasanna talebat nako’e. Sampe’ are teya nyamana tha-kottha jareya egabay babaston.
19 Reya’ dhaftarra nyamana reng-oreng laen se kodu ngenom dhari gellassa anggurra PANGERAN jareya: rato Messer ban para ponggabana sarta ja-pangrajana; sakabbinna reng-oreng Messer ban oreng manca e Messer; sakabbinna rato e nagara Us; sakabbinna rato tha-kottha Filistin e Askelon, Gaza, Ekron; sakabbinna oreng se gi’ odhi’e Asdod; sakabbinna oreng Edom, Mo’ab ban Amon; sakabbinna rato e Tirus ban Sidon; sakabbinna rato e dhaera paseserra Tase’ Tengnga; tha-kottha Dedan, Tema ban Bus; sakabbinna oreng se obu’na eketthok epapandha’; sakabbinna rato Arab; sakabbinna ratona ku-suku camporan se enneng e ra-ara; sakabbinna rato e Zimri, Elam ban Madai; sakabbinna rato e dhaja, jau ban semma’, egilir tong-settong. Sakabbinna bangsa e saantero bume reya kodu ngenom anggur jareya. Ban oreng se dhi-budhi kodu ngenom anggur jareya iya reya rato Babil.
20 (25:19)
21 (25:19)
22 (25:19)
23 (25:19)
24 (25:19)
25 (25:19)
26 (25:19)
27 PANGERAN laju adhabu ka sengko’, "Kabala ka reng-oreng jareya ja’ Sengko’, PANGERAN Se Mahakobasa, Allahna Isra’il, nyoro reng-oreng jareya ngenom sampe’ mabu’ ban aota’an; bi’ Sengko’ reng-oreng jareya epalabuwa sampe’ ta’ ngenneng jaga pole polana paperrangan se epadhatengnga ka reng-oreng jareya bi’ Sengko’.
28 Ban mon reng-oreng jareya ta’ endha’ narema gellas jareya dhari tanangnga ba’na kaangguy ngenoma anggurra, kabala ja’ PANGERAN Se Mahakobasa se nyoro jareya.
29 Sengko’ la mola’ana maancora e Tang kottha dibi’. Ja’ sampe’ reng-oreng jareya nyangka ta’ kera eokom. Masthe eokom, sabab Sengko’ madhatengnga paperrangan ka saneyap bangsa e attas bume reya. Sengko’, PANGERAN Se Mahakobasa, la ngoca’.
30 Sabarang se ekoca’agi Sengko’ ka ba’na, Yeremiya, kodu kabala ka reng-oreng jareya. Koca’ kantha reya, ‘Sowarana PANGERAN bakal agarudhu’a dhari sowarga, dhari kalenggiyanna se socce agarudhu’ nangtang ommadda. Sakabbinna pandhudhu’ bume padha ngedhing Pangeran aera’ akantha oreng se merres anggur e pangeregan.
31 Sowarana ekaedhing sampe’ ka konco’na bume; PANGERAN aparkara ban sa-bangsa. Oreng kabbi padha eadilana ban se jahat eokoma mate.’"
32 PANGERAN Se Mahakobasa adhabu, "Dhari co’-konco’na bume kaleng busbus agarudhu’; sa-bangsa ekenneng balai egilir gan settong."
33 E are jareya mayyidda reng-oreng se epatebas bi’ PANGERAN bakal ajalamperrana daddi sabume. Ta’ etangese oreng, ban tadha’ se ngoburragi; kabbi edina e tana akantha tombuganna sarpa’an.
34 He para pamimpin, e para tokang ngowanna ommadda PANGERAN! Mara alu’-gulu’ e dhalem abu, sabab la napa’ baktona ba’na epateyana, ban se lopot bakal epabalessadana. Ba’na akantha pennay se aji se gaggar ban bella.
35 Ba’na ta’ kera badha se lopot.
36 Ba’na aserrowan ban nanges ce’ ngennessa polana PANGERAN se teppa’na duka matompes bangsana ba’na ban maancor nagarana ba’na se aman reya.
37 (25:36)
38 Akantha macan se kalowar dhari rongkangnga, bariya keya PANGERAN kalowar dhari kalenggiyanna ngokoma ommadda. Kakejjemmanna perrang ban babendunna PANGERAN la ngoba nagara reya daddi ra-ara.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA