Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kenca peempat tahunken Joyakim anak Josia jadi raja Juda kualoken kata i bas TUHAN nari kerna kalak Juda. (Eme tahun si pemena Nebukadnesar jadi raja Babilon.)
2 Ningku kempak kerina kalak Juda ras kalak Jerusalem,
3 "Mulai i bas tahun si pesepuluteluken Josia anak Amon nggo jadi raja Juda, dage nggo dua pulu telu tahun dekahna, seh wari enda, TUHAN nggo ngerana man bangku janah la pernah la kusehken e man bandu. Tapi diatendu pe lang.
4 Aminna pe lalap iterusken TUHAN nuruh suruh-SuruhenNa nabi-nabi man bandu, la idengkehkenndu, diatendu pe lang.
5 Ikatakenna man bandu gelah itadingkenndu kegeluhen si jahat, bage pe kejahaten si ilakokenndu, gelah banci terus kam enggeluh i bas negeri si nggo ibereken TUHAN man bandu ras man nini-ninindu, jadi sikerajangenndu si tetap.
6 IkatakenNa man bandu, maka ula kam nembah dingen erdahin man dibata-dibata si deban janah ula ibahanndu merawa TUHAN erkiteken nembah man gana-gana si nibahanndu. Adi patuh kam man TUHAN emaka la kam IukumNa.
7 Tapi TUHAN ngatakenca maka la kam nggit megiken Ia. Tapi ipekekendu RawaNa alu erbahan gana-ganandu dingen maba ukumen man bandu jine.
8 Emaka nina TUHAN si Erdolat, "Erkiteken la Aku ibegikenndu,
9 Kusuruh bangsa i Utara nari dingen suruh-suruhenKu Nebukadnesar raja Babilon; Kubaba ia gelah iperangna Juda ras rayatna bage pe bangsa-bangsa sekelewetna. Bangsa enda ras bangsa sekelewetna Kukernepken me, jenari Kutadingken ia runtuh rasa lalap, Kubahan ngeri iakap kalak ngenenca, maka ia jadi saling-salingen kalak. Aku kap TUHAN si nggo melasken ranan enda.
10 Kupengadi sora surak-surak si meriah, sora keriahen pesta nereh empo, lanai lit minak lampuna, la nai lit i je gandum.
11 Kerina negeri e nggo jadi bekas-bekas meruntuh, janah jadi taneh melungen. Ia ras bangsa-bangsa sekelewetna pe jadi suruh-suruhen raja Babilon pitu puluh tahun dekahna.
12 Kenca bage Kuukum Babilon ras rajana erkiteken dosa-dosana. Kukernepken kerina negeri e jenari Kutadingken jadi bekas-bekas meruntuh rasa lalap.
13 Kuukum Babilon alu cilaka, rikutken ukumen si nggo Kurencanaken man bangsa-bangsa bali ras si nggo Kukataken arah Jeremia. Kerina cilaka e nggo isuratken i bas kitap enda.
14 Erbalas Aku man Babilon sue ras si ibahanna. Ia pe jadi suruh-suruhen bangsa-bangsa dingen suruh-suruhen raja-raja si mbelin."
15 TUHAN Dibata Israel ngerana man bangku nina, "Enda calung anggur si isin alu rawangKu. Bereken e man bangsa-bangsa ku ja kam Kusuruh, jenari suruh inemna.
16 Tupung inemna, mbewat-mbewat ia, janah bene ukurna, erkiteken perang si Kubereken ngelawan ia."
17 Emaka kubuat calung e i bas tan TUHAN nari, kubereken man kerina bangsa-bangsa ku ja aku nggo isuruh TUHAN, dingen kubereken ia minem tare calung e.
18 Jerusalem dingen kerina kota-kota Juda radu ras raja-raja dingen peminpin-peminpinna kerina ibere minem tare calung e. Emaka jadi gurun pasir me kerina ingan e, sengget ras jengang kalak ngidahsa. Gelarna ipake kalak i bas sumpah -- seh ngayak wari enda.
19 Enda me kerina kalak si deban si terpaksa minem tare calung e: Raja Mesir, pegawai-pegawaina ras peminpin-peminpinna, kerina kalak Mesir ras kalak pertandang si tading i Mesir. Kerina raja-raja negeri Us, kerina raja-raja Pilisti i kota-kota Askelon, Gasa, Ekron dingen kerina kalak si enggeluh denga i Asdot. Kerina kalak Edom, Moap ras Amon; kerina raja-raja Tirus ras Sidon, kerina raja-raja i negeri kepar Lawit Tengah. Kota-kota Dedan, Tema, ras Bus, kerina kalak sipangkas gendek bukna, kerina raja-raja Arab, kerina raja suku-suku i bas gurun pasir. Kerina raja-raja Simri, Elam, Media, kerina raja-raja i Utara nari, sada-sadai, subuk ndauh entah ndeher. Kerina bangsa i babo pertibi enda arus minem tare calung e. Si perpudina kal raja Babilon me si minem tare calung e.
20 (Yer 25:19)
21 (Yer 25:19)
22 (Yer 25:19)
23 (Yer 25:19)
24 (Yer 25:19)
25 (Yer 25:19)
26 (Yer 25:19)
27 Kenca bage nina TUHAN man bangku, "Kataken man bangsa e, maka Aku kap TUHAN Dibata nu Israel si merentahkenca gelah ia minem seh mabuk dingen mutah, ngayak guling lanai keke, erkiteken perang si Kubereken ngelawan ia.
28 Kune la ia nggit ngaloken calung e i bas tanndu nari janah minem taresa, kataken man bana maka TUHAN si Mada Kuasa si ngatakenca maka terpaksa ia minem taresa.
29 Kubenaken me erdahin encedai kotangKu jine. Iakapna kin maka la ia kena ukumen? La banci lang iukum me ia, sabap Kubereken perang ku kerina bangsa i babo pertibi enda. Aku TUHAN si Mada Kuasa kap si nggo melasken ranan enda."
30 Kam, o Jeremia, la banci la imomokenndu tep-tep kali si nggo Kukataken. Arus maka iturikenndu man bangsa enda. Erdengum me TUHAN i langit nari, erlenggur me Ia i datas langit si meganjangna nari. Erdengum me Ia ngelawan BangsaNa. Ersurak-surak me Ia desken sekalak si ngerik buah anggur. Kerina kalak i babo doni enda megisa.
31 SoraNa erdengung seh ku tampuk doni enda. TUHAN erpekara ras bangsa-bangsa, kerina bangsa-bangsa IadukenNa, kerina kalak jahat IbunuhNa. TUHAN kap si melasken ranan enda."
32 Ikataken TUHAN si Erdolat maka reh me cilaka ngkenai bangsa-bangsa sada-sadai, angin meter reh i tampuk doni nari.
33 Tupung e pagi mait kalak si nggo ibunuh TUHAN, kencah i ujung doni nari ku ujungna si deban. La lit sekalak pe si erceda ate man bana, la lit si pepulungsa, la lit si ngkuburkenca. Amparen ia i babo taneh bali ras sampah-sampah si ergun-gun.
34 Serkolah, o kam peminpin-peminpin, o kam si mpermakani bangsangKu; serkolah megang! Erceda atelah dingen erguling-gulinglah i bas taneh; seh me paksana kam igeleh, igeleh desken biri-biri si mbur.
35 Lanai lit dalanndu pulah.
36 I bas ceda ate ndehereng serko me kam erkiteken rawa TUHAN engkernepken bangsandu dingen negerindu si dame jadi runtuh.
37 (Yer 25:36)
38 TUHAN nggo nadingken BangsaNa desken singa nadingken gua inganna cebuni. Perang si man kebiarenken dingen rawa TUHAN si gurlah nggo nalihken negeri e jadi gurun pasir.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA