Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 PANGERAN makon sengko’ melle gendhi pas epakon ngajak pan-barampan pamimpinna bangsa sarta mam-imam se wa-towa,
2 kaangguy areng-bareng entar ka Cora Hinom lebat e Labang Saketheng Belling. E dhissa’ sengko’ kodu manapa’ pa-apa se la edhabuwagi Pangeran ka sengko’.
3 Sengko’ epakon ngoca’ kantha reya, "He to-rato Yehuda ban pandhudhu’ Yerusalim! Edhingngagi apa se ekoca’agiya Sengko’, PANGERAN Se Mahakobasa, Allahna Isra’il, ka ba’na. Sengko’ madhatengnga balai raja ka kennengngan reya sampe’ oreng se ngedhing parkara jareya takerjat.
4 Sengko’ madhatengnga jareya polana bangsa reya la nyenglae Sengko’. Kennengngan reya epanajjis ban ban-kurban se ebagi ka ba-diba se gi’ ta’ ekataowe reng-oreng jareya, se gi’ ta’ ekataowe bi’ bangatowana, bariya keya bi’ to-rato Yehuda. Bariya keya reng-oreng jareya ngesse’e kennengngan bi’ dharana reng-oreng se ta’ sala.
5 Reng-oreng jareya maddek mezba kaangguy Ba’al se egabay kennengnganna pangobbaranna na’-ana’na menangka kurban obbaran, mangkana Sengko’ ta’ tao nyoro kantha jareya, la’-mala’ Sengko’ ta’ tao apekker parkara jareya.
6 Daddi bakal napa’a baktona kennengngan reya ta’ enyama’ana Tofet otaba Cora Hinom pole, tape bakal eganteya anyama Cora Pajagalan.
7 E kennengngan reya Sengko’ mabuddhuwa sakabbinna sajjana oreng Yehuda ban pandhudhu’ Yerusalim. Bi’ Sengko’ reng-oreng jareya edina’a epakala bi’ so-mosona ban epate’e e dhalem paperrangan. Mayyidda bi’ Sengko’ epakakana ka mano’ ban burun alas se galak.
8 Sengko’ madhatengnga balai se talebat nako’e ka kottha reya sampe’ saneyap oreng se lebat e jadhiya bakal takerjada ban arassa marenges.
9 Moso bakal ngepponga kottha reya ban aehteyar mateyana pandhudhu’na. Keppongan jareya talebat sarana, sampe’ reng-oreng e kottha jareya saleng ngakan kancana dibi’, la’-mala’ ngakan ana’na dibi’."
10 Saellana jareya PANGERAN makon sengko’ mabella gendhi gella’ e adha’na reng-oreng se noro’ bunte’ sengko’.
11 Sengko’ kodu ngoca’ ka reng-oreng jareya ja’ PANGERAN Se Mahakobasa adhabu kantha reya, "Bangsa ban kottha reya bi’ Sengko’ epaancora sampe’ daddi padha ban gendhi se bella jareya se ta’ ekenneng pateppa’ pole. Oreng bakal ngoburragiya yit-mayyidda reng-oreng jareya e Tofet, sabab la tadha’ kennengngan laen se ekenneng gabay koburan.
12 Kottha reya ban pandhudhu’na bi’ Sengko’ epapadha’a ban Tofet.
13 Sakabbinna bengko e Yerusalim ban sakabbinna bengkona to-rato Yehuda bakal daddiya najjis akantha Tofet; sabab e attassa ata’na ko-bengko jareya oreng padha ngobbar dupa ka ba-dibana langnge’, ban ngeba kurban anggur ka ba-diba laenna."
14 Saellana jareya sengko’ pas mangkat dhari Tofet, kennengnganna sengko’ epakon PANGERAN manapa’ dhabuna. Sengko’ entar ka taneyanna Padalemman Socce, pas manjeng e jadhiya, sarta pas malae sakabbinna oreng
15 ja’ PANGERAN Se Mahakobasa, Allahna Isra’il, adhabu kantha reya, "Sarrena ba’na cengkal ban ta’ endha’ ngedhingngagi, daddi kottha reya ban sakabbinna disa e sabingkerra bi’ Sengko’ epadhatengngana balai se la ekasajja bi’ Sengko’."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA