Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ommat Isra’il, mara edhingngagi pessenna PANGERAN ka ba’na.
2 PANGERAN adhabu kantha reya, "Ja’ toro’ kabiyasa’anna sa-bangsa laen, ban ja’ tako’ mon nangale’e dha-tandha e langnge’ se ekatako’e sa-bangsa jareya.
3 Adadda sa-bangsa jareya tadha’ gunana sakale. Dha’-adha’na moger kajuwan e alas, pas nyoro tokang agabay arcana brahala dhari kaju jareya.
4 Saellana jareya arca jareya pas erengga bi’ emmas ban salaka, se epacekka’ bi’ pako sopaja ta’ gaggara.
5 Ca-arcana brahala jareya akantha reng-orengan e kebbun temon. Ta’ bisa acaca, ta’ bisa atengka’, kodu eosong. Ja’ tako’ ka jareya, sabab ca-arca jareya ta’ bisa macalaka’ ba’na, ban ta’ bisa nolong ba’na."
6 Guste PANGERAN se molja, Junandalem tadha’ bandhinganna asmana Junandalem agung sareng kobasa.
7 Ba’ pasera se ta’ poron abakte ka Junandalem, ratona sadajana bangsa? Junandalem pajat patot esemba. Dhari sadajana se penter e antarana sa-bangsa ban dhari sadajana to-ratona, tadha’ settonga se ekennenga papadha sareng Junandalem, Guste.
8 Budhu sareng gendheng reng-oreng gapaneka sadajana sabab dibana namong dhari kaju, ta’ oneng ngajarragi barang se aguna.
9 Arcana ekole’e salaka sareng emmas se epadhateng dhari Spanyol sareng kottha Ufas, sadaja hasella lalakonna para seniman sareng tokang emmas. Kalambina dhari kaen bungo terrong towa sareng bungo terrong ngodha, se ebadhi sareng ahli tennon epace’saena.
10 Namong Junandalem, GUSTE, Allah se lerres, Allah se apareng odhi’, rato se langgeng. Manabi Junandalem duka, bume gundhek, manabi Junandalem bendu, sa-bangsa ta’ kellar.
11 (Ba’na, he, ommat, kodu malae reng-oreng jareya ja’ba-dibana se ta’ nyepta’agi langnge’ ban bume jareya bakal epatompessa, bakal mosna’a dhari attassa bume.)
12 Kalaban kobasana PANGERAN abadhi bume, kalaban hekmadda abadhi dunnya, kalaban akkal buddina ngampar langnge’.
13 Pera’ kalaban dhabuna aeng agarudhu’ dhari attas langnge’. Ondhem epadhateng dhari co’-konco’na bume. Dhap-keddhap epagalirap e dhalemma ojan, angen epadhateng dhari panyempennanna.
14 Nangale’e jareya kabbi manossa laju apangrasa, ja’ aba’na budhu ban ta’ andhi’ pangarteyan. Kang-tokang emmas kaelangan mowana sabab arca brahala gabayanna palsu ban ta’ anyaba.
15 Ca-arca brahala jareya tadha’ argana, patot eya-seya. Mon la napa’ baktona kabbi tanto padha ancor ban mosna.
16 Allahna Yakub ta’ akantha la-brahala jareya; sabab Allah jareya se nyepta’agi sabarang se badha reya. Asmana iya reya PANGERAN Se Mahakobasa; se mele Isra’il epadaddi ommadda.
17 Reng-oreng Yerusalim, ba’na la ekeppong! Daddi mara akes-rengkes!
18 Sateya bi’ PANGERAN bangsa Yehuda bakal epelpallagiya kabbi ka tana pambuwangan; ba’na bakal epaancora epatadha’a karena. Jareya dhabuna PANGERAN.
19 Reng-oreng Yerusalim aera’, "Sengko’ loka ce’ rajana ban ta’ bisa baras. Lamba’ ca’na sengko’ me’ kellara nanggung kasangsara’an reya, marena enja’.
20 Tang kemah rosak, talena pegga’ kabbi. Tadha’ pole se maddeggagiya ban se masangngagiya en-kaenna, sabab tang ana’ la padha ondur kabbi."
21 Sengko’ nyaot, "Para pamimpinna sengko’ ban ba’na reya budhu; ta’ endha’ nyo’on petodu ka PANGERAN, daddi kabbi padha ta’ ahasel; sengko’ ban ba’na car-kalacer sa-tapesa san-kassannagi.
22 Edhingngagi! Badha kabar ja’ badha settong bangsa e dhaja se madhateng baridhu. Tantarana arosaga tha-kottha Yehuda sampe’ daddi seppe ban ta’ ekennengnge oreng, sarta daddi kennengnganna pangetegganna te’-pate’ alas."
23 GUSTE, abdidalem oneng tadha’ oreng settonga se kobasa nantowagi papasthenna aba’na otabana ngator jalanna odhi’na.
24 Ngereng ajar abdidalem, GUSTE, namong ja’ ke’-sake’ pokolanna. Jugan ja’ okom abdidalem manabi Junandalem duka, sabab tanto abdidalem mate sadajana.
25 Pangalowa babendunnepon Junandalem ka sa-bangsa se ta’ poron ngakone Junandalem sareng ta’ poron abakte ka Junandalem. Sabab sa-bangsa gapaneka mate’e ommadda Junandalem kantos tadha’ karena sareng maancor nagarana abdidalem sadaja.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA