Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bi’ lalake’ jareya sengko’ ebakta pole ka labang se maso’a ka Padalemman Socce. Sengko’ nangale’e somber agili dhari babana labang jareya ka temor, padha ban addhebba Padalemman Socce iya reya ka temor. Aeng jareya agili dhari babana labangnga Padalemman Socce bagiyan lao’ lebat penggir lao’na mezba.
2 Saellana jareya bi’ lalake’ jareya sengko’ ebakta ka lowar lebat e labang saketheng dhaja, pas etonton ka labang saketheng temor. Songay se kene’ jareya agili dhari penggir lao’na labang saketheng jareya.
3 Sambi ngokor ban tongket kor-okorra, lalake’ jareya abakta sengko’ noro’ gilina songay jareya ka temor sampe’ lema ratos meter jauna, pas makon sengko’ alengka songay jareya. E kennengngan jareya dhalemma aengnga pera’ gan thek-cetthek.
4 Saellana jareya lalake’ buru pas ngokor lema ratos meter aggi’, ban e jadhiya dhalemma aengnga sampe’ gan to’ot. Lalake’ jareya gi’ ngokor pole lema ratos meter aggi’, ban e jadhiya aengnga gan teng-keltengan.
5 Oreng lalake’ jareya ngokor pole lema ratos meter sakaleyan aggi’, ban e jadhiya aengnga ce’ dhalemma, daddi ta’ ekenneng lebadi ajalan soko. Mon oreng alengka’a songay, kodu alangngoy.
6 Oreng jareya pas adhabu ka sengko’, "He, manossa se ta’ langgeng, abassagi jareya kabbi patete." Saellana jareya sengko’ pas ebakta pole ajalan noro’ songay.
7 Sengko’ nangale’e e salanjangnga songay jareya ce’ bannya’na ka’bungka’anna.
8 Dhabuna ka sengko’, "Songay reya agili ka temor lebat e nagara reya ban lebat e Corana Songay Yordan ka Tase’ Mate. Mon aengnga sampe’ ka dhalem Tase’ Mate, aengnga tase’ se accen rowa egante’e aeng se tabar.
9 Dha’ emma’a bai gilina songay reya, e jadhiya bakal badha’a samacemma juko’ ban keban laenna. Aengnga Tase’ Mate bakal epatabara bi’ songay jareya, ban e dhimma’a bai aeng jareya agili, e jadhiya badha kaodhi’an.
10 Dhari ber-somberra aeng e En-Gedi sampe’ ka ber-somberra aeng e En-Egla’im, bagiyan gir-penggirra bakal rammeya ban reng-oreng majang se ajemmor jalana e jadhiya. Samacemma juko’ bakal badha’a e dhalem aeng jareya, akantha se badha e Tase’ Tengnga.
11 Tape aeng e ba-raba e salanjangnga paseser jareya ta’ bisa tabar, teptep daddi somberra buja.
12 E salanjangnga penggirra songay se dhu kalaja jareya etombuwi samacemma bungkana wa’-buwa’an. Dhaunna ka’-bungka’an jareya ta’ tao elop, ban buwana ta’ tao motos. Ka’-bungka’an jareya bakal ngasellagiya wa’-buwa’an se anyar sabban bulanna, sabab egili’i aeng se asalla dhari Padalemman Socce. Wa’-buwa’an jareya daddi ekenneng kakan ban un-dhaunna ekenneng kajamo."
13 GUSTE Allah Se Mahatenggi adhabu, "Reya’ tes-batessa tana se egi-bagiya ka dhubellas suku Isra’il. Suku Yusup narema dhu bagiyan.
14 Sengko’ asompa ja’ tana jareya bi’ Sengko’ ebagiya ka bangatowana ba’na. Daddi mara sateya bagi tana jareya paadil.
15 Bates e bagiyan dhaja emolae dhari Tase’ Tengnga ka temor sampe’ gan kottha Hetlon, ka Hamat terros ka kottha Zedad,
16 ka Berota ban Sibrayim (tha-kottha jareya badha e antarana kottha Damsyik ban kottha Hamat), pas ka kottha Hazar-Enan, e batessa kottha Ha’uran.
17 Daddi, tes-bates e bagiyan dhaja emolae dhari Tase’ Tengnga sampe’ ka temor, ka kottha Hazar-Enan; daddi dhaera Damsyik ban Hamat badha e dhajana bates jareya.
18 Bates e bagiyan temor nojju ka lao’, dhari settong kennengngan e antarana dhaera Damsyik ban dhaera Ha’uran. Daddi, Songay Yordan menangka bates antara tana Isra’il e bara’ ban Gileyad e bagiyan temor, sampe’ ka Tamar e paseser Tase’ Mate.
19 Bates e lao’ nojju ka bara’ dhaja, dhari Tamar ka somber Kades Meriba, terros ka bara’ lao’ salanjangnga batessa Messer sampe’ ka Tase’ Tengnga.
20 Bates e bagiyan bara’ iya reya Tase’ Tengnga, ka dhaja ka settong kennengngan e bara’na jalan se ka Hamat.
21 Bagi tana jareya e antarana ku-sukuna Isra’il;
22 ban tana jareya daddi andhi’na ba’na salanjangnga. Reng-oreng manca se neptep e nga’-tengnga’anna ba’na, ban andhi’ ana’ se lahir e jadhiya, kodu olle bagiyan tana jareya keya. Reng-oreng jareya kodu eanggep warga Isra’il padha ban se laenna, ban kodu noro’ ajumbu’ ellot kaangguy ngaolle tana e bakto tana jareya egi-bagiya e antarana ku-suku Isra’il.
23 Saneyap pandhudhu’ manca kodu eberri’i tana abareng ban suku Isra’il e dhaera se ekennengnge oreng jareya. Sengko’, GUSTE Allah Se Mahatenggi la ngoca’."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA