Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Saellana jareya bi’ lalake’ jareya sengko’ ebakta ka taneyan lowar, terros etonton ka bangonan laen e dhajana Padalemman Socce, ta’ jau dhari bangonan se raja e bara’na Padalemman Socce jareya.
2 Bangonan jareya lanjangnga saeket meter ban lebarra sagame’ meter.
3 Bagiyan erenganna bangonan jareya se settong addhep ka amper se lebarra sapolo meter, dineng bagiyan erengnga se settonganna addhep ka palesteran bato e taneyan lowar. Bangonan jareya asoson tello’, sabban ondhak abak maso’ ngadhalem dhari bagiyan se e baba’anna.
4 E adha’na mar-kamar jareya, e bagiyan dhalemma badha lorong se lebarra lema meter ban lanjangnga saeket meter. Bang-labangnga addhep ka dhaja.
5 Mar-kamar e ondhak se attasan acope’an dhari mar-kamar e ondhak e baba’anna, sabab rong-lorong e adha’na mar-kamar se e attas alebaran dhari se e baba’anna.
6 Mar-kamar jareya asoson tello, tape ta’ ngangguy ga-cangga akantha ngon-bangonan se badha e taneyan. Jareya sababba mar-kamar attas akene’an dhari mar-kamar baba otaba tengnga.
7 Saparona ondhak se e baba, lanjangnga sagame’ meter, pera’ aropa geddhung, dineng salebbina se lanjangnga sagame’ meter keya, epaddeggi mar-kamar. E ondhak se paleng attas badha mar-kamarra e salanjangnga bangonan jareya.
8 (42:7)
9 E babana mar-kamar e konco’ bagiyan temorra bangonan jareya ban e kennengnganna parmola’anna geddhungnga, badha labangnga ka taneyan lowar. E erengan bagiyan lao’na Padalemman Socce, badha bangonan se padha, kennengnganna ta’ jau dhari bangonan se bagiyan bara’.
10 (42:9)
11 E adha’na mar-kamarra badha lorong se padha ban lorong e bagiyan dhaja. Okoran ban modella padha, bariya keya bang-labangnga.
12 E babana mar-kamar se bagiyan lao’, iya reya e konco’ temor e kennengnganna bungkella geddhung, badha labangnga keya.
13 Lalake’ jareya adhabu ka sengko’, "Bangonan se dhadhuwa’ jareya socce. E jadhiya kennengnganna para imam se olle ngadhep ka ajunanna PANGERAN, ngakan ban-kurban se paleng socce. E jadhiya keya para imam jareya kodu nyaba’ ban-kurban se paleng socce, iya reya: kurban gandum ban kurban palebbaranna dusa otabana kurban tebbusanna kasala’an.
14 Mon para imam mare alalakon e Padalemman Socce, pas entara ka taneyan lowar, pangangguy kusus se eangguy e bakto aladine kabakteyan kodu edina e mar-kamar jareya. Para imam jareya kodu ngangguy kalambi laen, saellana jareya buru olle entar ka kennengnganna ra’yat akompol."
15 Saellana lalake’ jareya mare ngokor bangonan Padalemman Socce bagiyan dhalem Salerana laju abakta sengko’ ka lowar lebat labang saketheng temor, pas ngokor bagiyan sakalenglengnga Padalemman Socce jareya.
16 Bagiyan erengnga se e temor eokor bi’ tongket kor-okorra: badha dhu ratos saeket meter.
17 Saellana jareya lalake’ jareya laju ngokor bagiyan erengnga se e dhaja, se e lao’ ban se e bara’; lanjangnga padha dhu ratos saeket meterran.
18 (42:17)
19 (42:17)
20 Daddi, dhaerana Padalemman Socce aropa tana masagi empa’, okoranna penggirra padha dhu ratos saeket meterran. Tana jareya ekalenglenge geddhung se malaen bagiyan se malolo kaangguy Pangeran dhari bagiyan se kaangguy omom.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA