Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai iboan ma ahu hubagas kamar bolag ni Rumah na Mapansing ai; anjaha isibar ma tiang-tiangni, onom asta hapalni ganup lopah.
2 Bolag ni dalan masuk ai sapuluh asta, anjaha tembok parlambung ni dalan masuk ai lima asta do ganup lopah. Isibar ma ganjang ni kamar bolag ai, ompat puluh asta, anjaha bolagni dua puluh asta.
3 Dob ai masuk ma ia hubagas kamar tang parbagas ai, anjaha isibar ma tiang-tiang ni dalan masuk hujai, dua asta hapalni; bolag ni dalan masuk ai, onom asta, anjaha tembok parlambung ni dalan masuk ai, pitu asta bei do.
4 Dob ai isibar ma ganjang ni kamar ai, dua puluh asta ganjangni, anjaha bolagni dua puluh asta, ansa bolag ni kamar bolag ai, anjaha nini ma hu bangku, “On ma kamar tang na mapansing ai.”
5 Dob ai isibar ma tembok ni Rumah na Mapansing ai, onom asta hapalni; anjaha bolag ni kamar parlambungni, ompat asta, inggot rumah ai do ai.
6 Martolu tingkat do kamar parlambung ai, tolu puluh kamar satingkat. Adong do tembok panahan inggot kamar parlambung ai laho manungkol kamar parlambung ai, ase ulang be tembok ni Rumah na Mapansing ai, na manahan ai.
7 Ia kamar parlambung na martingkat ai, roh lumbangni do hu atas, domu hubani parlambin rampis ni dingding panahan ai bani ganup tingkat inggot Rumah na Mapansing ai; boi do naikan hun tingkat partoruh hu partongah-tongah, laho hu pardatas marhitei tangga.
8 Adong do huidah pamispisan na pinagijang inggot Rumah na Mapansing ai. Ia onjolan ni kamar parlambung ai sada tungkot sibar-sibar do, ai ma onom asta.
9 Hapal ni tembok pardarat ni kamar parlambung ai lima asta do, anjaha pamispisan ai lima asta.
10 Holangkolang ni pamispisan ni rumah na mapansing ai ampa kamar-kamar na bani alaman ai, dua puluh asta do inggot rumah na mapansing ai.
11 Adong do labah ni kamar parlambung ai mandompakkon pamispisan ai, sada dompak utara, sada dompak dangsina, anjaha bolag ni pamispisan ai lima asta do inggot.
12 Ia rumah na bani alaman hampit pudi, hampit hasundutan, pitu puluh asta do bolagni; anjaha hapal ni tembokni inggot lima asta do, anjaha ganjangni siah puluh asta.
13 Isibar ma ganjang ni Rumah na Mapansing ai, saratus asta ganjangni; anjaha alaman ai ampa rumah parhasundutan ai pakon tembokni saratus asta do homa.
14 Bolag ni lobei-lobei ni Rumah Panumbahan ai ampa alaman na hampit hapoltakan ai, saratus asta do.
15 Dob ai isibar ma ganjang ni rumah parhasundutan na bani alaman pudi-pudi ai, ampa tembokni angkup lopah, saratus asta. Ia kamar bolag ni rumah na mapansing ai ampa kamar tang parbagas ai ampa surambih pardarat ai
16 ilampis do, anjaha hatolusi ai marjandela na marjaring-jaring do inggot. Bani hayu do ilampis tembok ai ibagas inggot, hun dasorni das hu jandelani (itirei do jandelani ai),
17 das hu atas ni labah ai, ronsi hu kamar tang parbagas ai ampa hampit daratni. Bani dingding ai haganup, i darat ampa ibagas, sonai homa bani kamar bolag ai,
18 iuhirhon do hujai suman-suman ni herub ampa hayu palem, sada hayu palem i holangkolang ni herub hu herub. Ganup herub dua do bohini.
19 Bohi ni jolma dompak hayu palem na sada, bohi ni singa dompak hayu palem na sada nari. Sonai do iuhirhon inggot Rumah Panumbahan ai.
20 Humbani dasorni das hu atas ni labah iuhirhon do herub ampa hayu palem bani dingding ai.
21 Marompat suhi do tiang ni labah ni kamar bolag ai, anjaha i lobei ni kamar tang na mapansing ai adong do na mangusihi
22 anjapanjap hayu; tolu asta gijangni, dua asta ganjangni anjaha dua asta bolagni; marsuhi-suhi do ai, anjaha hayu do naheini ampa dingdingni. Jadi nini hu bangku, On ma meja, na i lobei ni Jahowa.
23 Ia labah ni kamar bolag ampa kamar tang na mapansing ai dua bei do.
24 Anjaha ganup dua do bulungni, haduasi boi do marputor.
25 Iuhirhon do herub ampa hayu palem bani labah ni kamar bolag ai, songon na bani dingding ai. Adong do hondor-hondor hayu i lobei ni surambih ai hampit darat.
26 Adong do jandela na marjaring-jaring ampa gombaran ni hayu palem bani dingding ni surambihni hadua lopahsi.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA