Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kenca bage ibabana ka aku ku kamar si arah tengah, si igelari Ingan si Badia. Isibarina lorong dalan ku kamar e, gedangna telu meter,

² belangna lima meter. Dingdingna si arah kawes ras kemuhen kapalna dua setengah meter. Jenari isibarina Ingan si Badia e, gedangna duapuluh meter, belangna sepuluh meter.

³ Kenca bage bengket ia ku bas kamar si arah bas. Isibarina lorong dalan ku kamar e; gedangna sada meter, belangna telu meter, janah dingdingna si arah kawes ras kemuhen kapalna telu setengah meter.

⁴ Kenca bage isibarina kamar e; tempasna empat segi, gedangna ras belangna sepuluh meter. Kenca bage nina man bangku, "Enda me Ingan si Badiana kal."

⁵ Kenca bage isibarina ka tembok Rumah Pertoton e si arah bas; kapalna lit telu meter. I bas tembok e, i sekelewet Rumah Pertoton, lit kamar-kamar, belangna dua meter.

⁶ Kamar-kamar enda ndai ertingkat telu, janah i bas tep-tep tingkat lit telu puluh kamar. Erkiteken tembok si arah darat i bas Rumah Pertoton e reh nipesna i bas tep-tep tingkat, emaka kamar-kamar ndai banci leket i je alu la padah ngelubangi dingding Rumah Pertoton e.

⁷ Erdandanken si e, i darat nari teridah maka tembok Rumah Pertoton e seri kapalna. I darat tembok Rumah Pertoton e, i daraten kamar-kamar ndai lit dua tangga si mbelang. Emaka banci nge inangkihi i teruh nari ku tingkat dua bage pe ku tingkat telu.

⁸ Tembok si arah darat kamar-kamar enda ndai, kapalna dua setengah meter. Pintunna lit sada kempak kamar-kamar si arah Utara Rumah Pertoton, janah sada nari kempak kamar-kamar si lit arah Selatan. I sekelewet Rumah Pertoton e lit terasna; belangna dua setengah meter. Ganjangna i bas taneh nari lit telu meter janah seri ganjangna ras palas kamar-kamar si lit i bas tembok Rumah Pertoton e. Kelang-kelang teras e ras ruang si ipake imam-imam lit beranda sada arah kawes, sada arah kemuhen Rumah Pertoton e, belangna sepuluh meter.

⁹ (Yeh 41:8)

¹⁰ (Yeh 41:8)

¹¹ (Yeh 41:8)

¹² I tepi kesain jahen Rumah Pertoton e, lit sada gedung, empat pulu lima meter gedangna, janah belangna telu pulu lima meter, kapal tembokna kelewet dua setengah meter.

¹³ Kenca isibarina dilaki ndai Rumah Pertoton e, gedangna lit lima puluh meter. I pudi Rumah Pertoton e nari seh ku tembok si arah pudi gedung si arah kenjahe ndai, lit lima puluh meter.

¹⁴ Bagin Rumah Pertoton e si arah lebe si ngala ku kenjulu rikut ras kesain si arah kawes ras kemuhenna, belangna lit lima puluh meter.

¹⁵ Bagin-bagin si arah lebe Rumah Pertoton, Ingan si Badia, bage pe Ingan si Badiana kal,

¹⁶ kerina ilapisi alu papan, mulai i bas lante nari terus ku jendelana. Jendela-jendela e banci itutup.

¹⁷ Bagin dingding si arah bas Rumah Pertoton, mulai i bas pintun nari ku das, kerina ilapisi alu ukiren gambar-gambar.

¹⁸ batang kurma ras kerubim pegancih-gancih. Kerubim ndai dua ayona,

¹⁹ sada bagi ayo jelma ngala kempak batang kurma si arah kawes, janah sada nari bagi singa ngala kempak batang kurma si arah kemuhen. Ukiren gambar-gambar ndai lit i bas Rumah Pertoton e kerina,

²⁰ mulai i lante nari terus ku babo pintun.

²¹ Tiang-tiang pintun Rumah Pertoton e tempasna ersegi empat. I lebe-lebe Ingan si Badiana e kal, lit i je sada tempasna bagi

²² batar-batar kayu. Ganjangna sada setengah meter ras belangna sada meter. Binangun persukina, alasna ras dingdingna kayu kerina. Nina dilaki ndai man bangku, "Enda me meja si lit i adep-adepen TUHAN."

²³ I ujung lorong dalan bengket ku Ingan si Badia e lit sada Pintun, bage pe i bas lorong dalan bengket ku Ingan si Badiana e kal.

²⁴ Pintun e erbelah i tengah.

²⁵ I bas Ingan si Badia e iukir gambar batang kurma ras rubia-rubia si erkabeng, bali ras si lit i bas dingding e. I lebe-lebe dalan bengket ku Ingan si Badia e, lit ampang-ampang kayu.

²⁶ Arah kawes ras kemuhenna lit jendela, janah dingdingna ihiasi alu gambar batang kurma.

Yehezkiel

Video Yehezkiel 41

Ikuti Kami:

KONTAK | PARTISIPASI | DONASI