Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 [Dilaki] O kemberahenku lawes aku ku pekenku, i je kupan cambang wani ras tengguli. Kuinem susu ras lau anggur, kupepulung rempah-rempah ras mur. [Diberu-diberu] Pangani ras inemlah o teman-teman kerina, seh maka kerina kam mabuk ate ngena.
2 [Diberu] Medem aku tapi pusuhku la tertunduh, ernipi aku impalku nuktuk pintun jenari nina. [Dilaki] Pelepas aku bengket, o jadi ateku, tambaten pusuhku, manuk mbulanku. Nggo litap takalku kena embun bukku nggo lembab kena remang.
3 [Diberu] Pakenku nggo kutangtangi, ngkai ka maka kupake mulihi? Nahengku nggo kuburihi ngkai maka kumelketi?
4 Nggo ijemak impalku pintun, emaka debet-debet pusuhku perban ia nggo ndeher,
5 janah nggo sikap aku nalangi pintun. Tanku kusapui alu mur, i bas jari-jaringku nari mur naktaken, tupung kujemak eruk-eruk pintun.
6 Kutalangi pintun maka ku bas impalku ateku, tapi lanai ia i je. Lanai kal langlang rincuhna aku megiken sorana, kudarami ia, tapi sia-sia. Kulebuhi ia tapi la lit sora ngaloi.
7 Jumpa aku ras si njaga benteng kota, ipekpeki dingen ilukaina aku. Selendangku isintapkenna jenari icaingkenna.
8 O diberu-diberu Jerusalem, erpadanlah kam, adi jumpa kam ras impalku, katakenlah man bana maka aku sanga mabuk asmara.
9 [Diberu-diberu] O kam singuda-nguda si mejilena, lain kin impalndu ras si debanna? Kai kin i bas ia si man ayaken, maka terpaksa kami erbahan padan?
10 [Diberu] Mbestang dingen megegeh kap impalku, sada i bas sepuluh ribu kap ia.
11 Ayona melinang desken perunggu, bukna keriting dingen mbiring, bali ras perik kak.
12 Matana seri jilena ras merpati i tepi lau mbelin si maler, merpati si mbaru meridiken lau susu, jenari cinep i tepi lau.
13 Pipina bali jilena ras peken rempah-rempah si merim, biberna desken bunga encole erlau-lau ibahan mur.
14 Tanna mejile, mejile tempasna, ipakena gelang emas dem alu permata, dagingna mbestang desken gading si itamburi alu nilam.
15 Pahana bali ras marmar mentar si ipajekken i bas palas emas mehaga kal ia bali ras Deleng Libanon, rikut ras batang kayu arasna si meganjang.
16 Biberna ntebu ngemaisa, asa si lit ibassa, tertambat ibanna pusuhku. Bage me tempasna impalku e, o diberu-diberu Jerusalem.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA