Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dob ai nini si Naomi, simatuani ai ma hu bani, “Ale inang, mintor lang ma pindahanku hatotapanmu, ase marhasonangan ham?
2 On pe, ai lang si Boas do simada juakjuak naboru, na hinasomananmu, sidohoran banta? Tonggor ma, na mamurpur omei do ia saborngin on i pardogeian.
3 Halani ai maridi ma ho anjaha maranggir, anjaha sorungkon ma pakeanmu sidearan, anjaha tuad ma ho hu pardogeian; tapi ulang lobei patandahon dirimu hu bani, paima dob ia mangan pakon minum.
4 Tapi dob modom ia, papangkei ma ija ia modom; dob ai laho ma ho, papansing ma salimut hampit naheini, lanjar patibal dirimu; jadi patugahonni ma bam barang aha sibahenonmu.”
5 Nini ma mambalosi, “Sagala na ipatugah ham ai, sai bahenonku do.”
6 Dob ai tuad ma ia hu pardogeian ai, anjaha ibahen ma songon na hinatahon ni simatuani ai bani.
7 Jadi dobkonsi mangan pakon minum si Boas, anjaha marmalas ni uhur ia, laho ma ia modom hu lambung ni gugunan ni omei ai; jadi roh ma si Rut sesep-sesep, ipapansing ma salimut hun naheini, lanjar ipatibal ma bani.
8 Dob tongah borngin tarsonggot ma dalahi ai, idadap ma inggot, hape tonggor ma, sada naboru modom i lambung naheini.
9 Nini ma, “Ise do ham?” Jadi nini ma mambalosi, “Si Rut do ahu, juakjuakmu naboru; sai paherbang ma habongmu hubani juakjuakmu on, ai ham do sitobus ahu.”
10 Nini ma mambalosi, “Sai ipasu-pasu Jahowa ma ham, inang! Ai dearan ope holong ni uhurmu na parpudi on humbani na parlobei in, marhitei na lang ipairik-irik ham anak garama, barang halak na musil barang halak na bayak pe.
11 On pe, ale inang, ulang ma ham mabiar, sai na bahenonku do barang aha pe na pinangindomu; ai ganup parhuta on hasomanku samarga mambotoh, naboru na jenges marparlahou do ham.
12 Tongon, ahu do sitobus ham, tapi adong ope sidohoran humbangku.
13 Ijon ma ham saborngin on pakon patar; anggo ra do ia manobus ham, dear, age ia manobus, tapi anggo seng marosuh ia manobus ham, songon sintongni manggoluh Jahowa, ahu ma manobus ham.”
14 Jadi modom ma ia i lambung naheini ai; ninuhur ni si Boas do, “Sai ulang ma ibotoh halak adong naboru roh hu pardogeian on.”
15 Nini ma, “Boan hujon mandar na pinakeimu in, anjaha tarehon.” Itarehon ma ai, anjaha isuhati ma onom tumba gandum hubagas, anjaha ipajujungkon ma ai bani; dob ai laho ma ia hu huta.
16 Jadi dob das ia hu simatuani ai, nini ma, “Sonaha do jadini, inang?” Jadi ipajojor ma hubani haganup na binahen ni halak ai bani.
17 Ambahni ai nini ope, “Gandum na onom tumba on ibere do hu bangku, ai nini do hu bangku, ʻSeng bulih marambung tangan tumang mulak ham hu simatuamu.ʼ”
18 Nini si Naomi ma mambalosi, “Pasonang ma uhurmu, inang, paima ibotoh ham naha do hadoban ni hata ai, ai lang tarpasip si Boas ai, anggo lape marhadoban sadari on hata ai.”
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA