¹ Kristus Yesus mo nganak de syal gwe-gwen zini Paulus onakon. Asa hen Alap zao dep kwang taka, dekam zep hen asa dam tasiki– zere onakore ol dawemsa dikim gol halada gwen hapye.
² Ol dawemna an Alap mes orep zere mo olsa de ayang gul gwen zini anakan gu-gubirida gweka, “Ëe asa lamkam ol dawemna ebe mae hap golzim.” Zen dekam zep kirekam Alap mo epba olak ale nuk.
³ Ol dawemna an, zen Alap zere mo Tanena, neno mae mo Teipsinni Kristus Yesus hup dena. Auhu-kamanak de jaha gweblan nakon, Desa man enlala neblak, “Daud Bak mo auyan-aza nakorena.” Hwena Alap kim zere mo sosonkam tin nikon ngaya taka, Zen dekam zep anakan tingare zi hip zertreizimki, “An ere mo Tane– ere han de enho apde nenna.”
⁴ (1:3)
⁵ Hendep Alap hen Kristus onakon asa kwasang gweblaka, zep abe hap sosonna golblaka hen asa dam tasiki– dekam de Kristus zere hap denaka Yahudi srem zi sin dep gol halada gwen hap denaye, zen dikim hen Yesussu taibliblan hap hen blikip gwesiblin hap.
⁶ Zep Romak de zini emsa hen Alap man kwang guludaꞌara– dekam de Kristus mo bi gwibinnik biti gwen hap.
⁷ Dawem! Zen in zebe ep ale gulzimꞌin. Nere mae mo Bian Alap ne Bian Kristus Yesus ne sa kwasang-kwasang zemka mamkam ebe mae hap ol gwizimdi. Hen nen zere nik mo taha terenak esa lowehe gwer.
⁸ Zep nonol tanganna, ee Kristus Yesus onakon Bian Alap hap dawemsae gol gweblaꞌan, sap Romak de zini, eno mae mo Yesussu de taibliblanna mes tingare okamanak de e-e san nol haladak.
⁹ Zep Alapsa de gu sone gweblankam ee home emsa eititi gwibirida gwenan. Alap men Zebone tingare enho naban syal gwe-gweꞌan, zere mo Tane hap de olsa de gol halada gwenkam, dikire Zen asa hla tak– ee de ahap gwenkamye.
¹⁰ Zen in zebe etan-etankam Alapsa anakan abe ta gwenan, “Bian, Em wehe angkam orana abe hap kles tyasibliꞌanka? – ee dikim Romak de Kristen zisi amjanbiridan hapye.”
¹¹ Ëe orep mese sap dwam gwe-gwek– eban mae de golegaing gwen hapye, dekam de Alap mo Enho nakore sosonkam eno mae mo eisi tatete gulzimdin hip.
¹² Zen dekam esa apdekam nenaka tatete la gwibir, sap nen mese apdekam Yesussu laibliblak.
¹³ Zep aya-wal oso-wal, ee mese sap beyakam kalang gwe-gwek– emsa de amjanbiridan hapye. Hwena ama sap akasik gwek. Sap ee ama enlala gwe-gwek– ebon mae onak de hen ano syal ei lwan hap, men kirekam hen aha Yahudi srem zi mo langnak de e-enak lwakke.
¹⁴ Sap abe hap mes Alap syala wei yul soneblaka– tingare zisi de Yesus hup de olkam tonbirida gwen hap, sap neno mae mo Yunani olsa de tame gun wenya, hen desa de tame gun srem wenya, sap sekola ha gwen wenya, hen sap sekola gwen srem wenya.
¹⁵ Sap Alap kirekam de syalsa abe hap wei yul soneblaka, ee in zebe tangan dwam gwe-gweꞌan– ol dawemna insa de Romak de zini emsa hen tonbirida gwen hap.
¹⁶ Sap ee home saher gweꞌan– zisi de Yesus hup de ola inkam tonbirida gwen hapye. Sap nen men zene ol dawemna insa laiblibiꞌin, neno mae mo engaya gwen hap de sosonna zewe lwaꞌan– nonol tangan Yahudi zini abe mae hap dena, hen sap tingare Yahudi srem zi hip dena.
¹⁷ Sap ol dawemna in dekam Alap zi hip goltreizimꞌira, “A kirekam esa ano nwenak edakastil.” Sap zere mo nwenak de edakastin hip dena, zen diki Kristussu de taibliblan en nakon nebe mae hap hata gwizimnin. Aha orana hom tangan. Zen man dakastiꞌin– men kirekam Alap mo olak lwakye, “Men zen ere mo nwenak edakastiꞌin, zen kitak Asa de taibliblan en nakon.”
¹⁸ Alap mes ngatan zi mo lang nakon zere mo jala goltrei gwizimki– men zen Zenaka eititi ne gweblananke, zebe mae hap. Sap zere mae mo kirekam-kirekam karek-karekna, zen dekam zen eiwa dena ber-ber nul gwenan, zep hendep Alapsa tame da srem gwe-gwenan.
¹⁹ Sap Alapsa de tame tan hap dena mes tangan dam gwesik, sap Zen mes neno mae mo enhonak Zenaka de tame tan hap dena ing ta soneka.
²⁰ Sap Alap kim okamana ansa yang gulsuku, Zenaka de tame tan hap dena mes zewe anakan tame nul gwek, “Alapsa bejen nwekam hla tan, hwena Zen hendep denaban de soson tangan Zini Zen. Hen Alap Zen zi mo kim hom.” Zen in zep, zini nen bejen nen anakan egun, “Ëe home Alapsa tame tak.”
²¹ Zep zini mes sap Alapsa tame dak, hwena hom blikip neisik gweblanan, hen dawemna hom nol gweblanan. Hwena zen asyas makan enlala ne gweblanan, zep hendep enho nakon ekawesik.
²² Zen man zenaka tim di gwibirin, “Ëe an enlala blala.” Hwena sap diki enlala joblo-topna.
²³ Zen zep hendep de gwe gwen Teipsin tangan Zini Alapsa hom boklena kom da gweblanan. Zen hwena yang tabin alap-alapsa boklena kom dabirida gwenan– zi nwe-masekam de wenya, mawa mo nwe-masekam de wenya, hen sapi mo nwe-masekam de wenya, hen sap wanya mae mo nwe-masekam de wenya.
²⁴ Zen zep Alap nwe enkam kara ta gwibirida, “Dikire zere mae mo hole-hle san ang tak.” Zen zep ekahalo gwe-gwenkam zere mae mo timni kun da gwibirin hen zenaka saherak kang nul gwenan.
²⁵ Zen dekam zep eiwa de Alapsa hli da gwenan– dekam de boton san ang ta gwen hap. Hwena yang tabin kire-kire hap zep boklena kom da gwizimnin, hen zebe mae hap de syalsa nol gwenan. Hwena sap diki tangan okamana ansa Zen yang gulsuku, Desa en emaka boklena kom la gweblanan. Dikire hendep denaban Zena en naka boltere da gwek. In eiwa tangan.
²⁶ Zen zep Alap nwe enkam kara ta gwibirida, “Dikire zere mae mo dwam-dwam san ang tak– saherak dekakim zenaka kang nul gwek.” In zep we walya zi niban de swi en hap baes ta gwenan– men kirekam sap diki Alap gubiridakaye. Hwena we wal bose zeban de swi en hap ehole-hle gwe-gwenan.
²⁷ Zep zini hen kirekam. Zen hen wenya ban de swi en hap man baes ta gwenan– men kirekam sap Alap gubiridakaye. Zen hwena zi bose zeban de swi en hap ehole-hle gwe-gwenan. Zen dekam zep zenaka saherak kang nul gwenan. Zen dekon Alap mo jala hla nul gwenan– zere mae mo karek gol gwen jam enkamye.
²⁸ Zep zini anakan de eenlala gwenna man baes tak, “Anik Alapsa tame tak.” Alap hen zep nwe enkam kara ta gwibirki, “Dikire enlala kawesinnik lowehe gwek.” Zen zep hendep Alap mo dwam gwibin srem san karek-karek enna syal nei gwibirin.
²⁹ Zen in zep zeno mae mo enhona tingare karek-kareksa de gon hap de enlalakam beya gweka– men kiye, totore swi hap dena, te-ala beya gwen hap dena, zi bosyansa de husus gweblan hap dena, hen aha zi mo kire-kire dawemsa de dwam gwibin hip dena, wal bose zemka de tan hap dena, edarak gwen hap dena, hen wal bose zemka de lwa tasin hip dena, hen tail gik gweblan hap dena, hen ahasa de tonsubirida gwen hap dena.
³⁰ Hen ahakore karek-karekna mensa nulin halasen gwenan men kiye, Alapsa de husus gweblan, wal bose zemka de lamang tan, zenaka de boltere tan, hen zena-zena gwen, hen bolte-bolte gwen. Zen hen mes etewesik banakare karek esesa de enlala gwibinni, hen an-bi zemka de betek gwizimdinni tawa naka hom.
³¹ Zep hendep enlalana ejoblo-top gwek. Kire zisi bejen taiblibiridan, hen kire zi nik kwasang enlalana hom. Zen jal enlala enkam lowehe gwenan.
³² Zen sap mes anakan tame nuk, “Alap kirekam de karek-karek syal gwe-gwibin zini sa kareknak kang gulu.” Sap eiwa kirekam, hwena zena mwin-mwankam kire karekna syal nei gwibirin. Hen karek gol gwen bose zemka, zen man anakan titi da gwibirin, “Sap esa kirekam ol tine gwer.”