Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 PANGERAN reya Rato, daddi sa-bangsa ngetter polana tako’. Salerana alenggi e attas kerub, daddi bume agundhek.
2 Neng e Siyon PANGERAN ce’ kobasana; Salerana agung ngalebbi’i sakabbinna bangsa.
3 Dina kabbi me’ olle amolja’agi asmana se agung ban molja. Socce Salerana!
4 Rato se kowat kobasa, Junandalem lebur ka hokom; Junandalem malerres sadajana; Junandalem alampa’agi hokom sareng kaadilan e Isra’il.
5 Mara agungngagi PANGERAN Allahna sengko’ ban ba’na; mara asojud e ajunanna korse karaja’anna! Socce salerana!
6 Mosa ban Harun tamaso’ mam-imamma, Samuwel sala settong se adu’a ka Salerana. Reng-oreng jareya aera’ ka PANGERAN, ban Salerana apareng jawaban.
7 Dhari cangga ondhem Pangeran adhabu ka reng-oreng jareya, reng-oreng jareya atoro’ ka kom-hokom ban papakonna.
8 Ya ALLAH Pangeran kaula, Junandalem apareng jawaban ka ommadda; monggu ka reng-oreng gapaneka Junandalem Allah se dujan nyapora, sanare reng-oreng gapaneka sareng Junandalem eokom lantaran kasala’anna.
9 Mara agungngagi GUSTE Allahna sengko’ ban ba’na, semba Salerana e Gumo’na se socce, sabab GUSTE Allahna sengko’ ban ba’na reya socce.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA