Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 TUHAN kap raja, manusia nggirgir. Ia kundul i bas kursi KinirajanNa i babo kerubim doni pe mugur-ugur.
2 Mada Kuasa kal TUHAN i Sion, Ia kap ngkuasai kerina bangsa-bangsa.
3 Kerina kalak muji GelarNa si mulia medolat, Badia kap Ia!
4 O TUHAN, Kam kap Raja si mbisa; ngena AteNdu kebenaren, nggo IpajekkenNdu kinibujuren, kinibujuren ras kebenaren IdalankenNdu i Israel.
5 Pujilah TUHAN, Dibatanta, nembah erjimpuhlah i adep-adepen kursi KinirajanNa, Badia kap Ia!
6 Musa ras Harun kap imamna, Samuel eme kap kalak si tutus ertoto man BaNa, erlebuh ia man BaNa janah IdengkehkenNa pertotonna.
7 I bas binangun embun nari ngerana Ia man kalak kerina, ipatuhina kerina perentah-PerentahNa.
8 O TUHAN Dibata kami, Kam nggo ndengkehken ia; Kam kap Dibata si nggit ngalemi dosana, aminna pe IukumNdu kang kalak erkiteken dosa-dosana.
9 Pujilah TUHAN Dibatanta, ersembahlah i bas DelengNa si badia, TUHAN Dibatanta Badia kap.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA