Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kaangguy pamimpinna koor. Menorot nyanyeyan: Gitit. Jaburra kaom Korah. (84-2) Padalemmannepon Junandalem sanget masenneng ate, Guste ALLAH Se Mahakobasa!

² (84-3) Abdidalem ce’ kerrongnga ka Padalemmannepon Junandalem, sokma sareng badan abdidalem asorak amolja’agi Allah se odhi’.

³ (84-4) La’-mala’ mano’ keddi’ eparenge bengko, mano’ daddali eparenge lebun, kennengngannepon panyaba’anna budhu’na e seddi’anna mezbaepon Junandalem, PANGERAN Se Mahakobasa, Rato sareng Allah abdidalem.

⁴ (84-5) Pojur onggu oreng se enneng e dalemmepon Junandalem, anyanye ji-pojiyan amolja’agi Junandalem ros-terrosan.

⁵ (84-6) Pojur onggu oreng se narema kakowadan dhari Junandalem, ban se gadhuwan pangaterro entara aziyara ka Gunong Siyon.

⁶ (84-7) Sabatara reng-oreng gapaneka ajalan lebat e Cora Baka, kennengngan gapaneka aoba daddi somberra aeng, ojan dha’-adha’na ngeba berkat sabannya’na.

⁷ (84-8) E bakto reng-oreng gapaneka ajalan ka Siyon, ka kennengngannepon Allahna sadajana diba ngaton.

⁸ (84-9) Peyarsa’agi du’a abdidalem, PANGERAN, Allah Se Mahakobasa, peyarsa’agi, Allahna Yakub.

⁹ (84-10) Berkadi rato abdidalem, Guste Allah, jaga’agi sareng parenge salamet oreng peleyannepon Junandalem.

¹⁰ (84-11) Saare neng e Padalemmannepon Junandalem asaeyan katembang saebu are e kennengngan laen. Sengko’ bango’an daddiya panjagana labang e Padalemmanna tang Allah, etembang enneng e bengkona oreng jahat.

¹¹ (84-12) Sabab Guste ALLAH reya se ajaga sengko’ ban ba’na ban rato se agung, se marenge sengko’ ban ba’na kahormadan ban kataresna’an. Salerana ta’ tao nolak apa’a bai se bagus ka oreng se tadha’ calena.

¹² (84-13) Guste PANGERAN Se Mahakobasa, pojur onggu oreng se parcaja ka Junandalem.

Mazmur

Video Mazmur 84

Ikuti Kami:

KONTAK | PARTISIPASI | DONASI