Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur Daud.
2 O TUHAN, ula tembehi dingen ula salahi aku! Ula ukum aku alu PernembehNdu!
3 O TUHAN, nggo latih kal kuakap mekuah AteNdu min kempak aku! Bereken gegeh man bangku. Aku tuhu-tuhu nggo latih,
4 dingen nggo labuh kal tendingku. O TUHAN dekahna maka IsampatiNdu aku?
5 Mari TUHAN, kelini aku, pulahilah aku, perban keleng AteNdu.
6 I bas doni kematen labo Kam iinget, la ise pe muji Kam i je.
7 Latih kal kuakap i bas kelsehen, tep-tep berngi, lembab inganku medem iban tangisku; bantalku litap perban iluhku.
8 Menam lanai aku erpengidah; matangku nggo besar kal perban ngandung erkiteken musuh-musuhku.
9 O kam kalak jahat, laweslah i bas aku nari! Ibegiken TUHAN kap sorangku tangis
10 IbegikenNa sorangku erlebuh mindo penampat jenari IaloiNa pertotonku. <6:11> - Ieteh imbang-imbangku me uga melana italuken; rempet bene ukurna, surut ia kerina.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA