Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur Daud tupung ia lompat i bas Saul nari i bas gua.
2 Mekuah min AteNdu aku, o Dibata, mekuah min AteNdu, sabap man BaNdu kap aku cicio. Aku cebuni i teruh KabengNdu, seh ngadi angin kaba-kaba si meter e.
3 Erlebuh aku man Dibata si Meganjang, man Dibata si ngkuhi kerina keperlunku.
4 I Surga nari IbegikenNa aku jenari IkeliniNa, ItalukenNa kalak si nindih aku. Icidahken Dibata maka tetap AteNa keleng man bangku dingen melias AteNa kempak aku.
5 Aku ikepung musuh, bali ras singa si ngerigep manusia. Ipenna desken lembing ras panah, dilahna desken pedang si entelap.
6 O Dibata cidahken min KemulianNdu i langit, dingen KemulianNdu i belang-belang doni enda.
7 Itogeng imbangku siding man bangku, lanai kal tanggung biarna aku. Ikalina lubang i bas dalanku, tapi ia jine gedap ku bas.
8 Nggo tetap ukurku, o Dibata, nggo tetap, rende aku kupuji Kam.
9 Kekelah, o tendingku, kuitlah murdap ras kulcapingku, kupekeke ateku matawari.
10 O TUHAN, ngataken bujur ateku man BaNdu, i tengah bangsa-bangsa. Kupuji ateku Kam, i tengah-tengah bangsa manusia.
11 Keleng AteNdu si tetap seh ku langit, KesetianNdu seh ku awang-awang. <57:12> - O Dibata, cidahken min KemulianNdu i langit, dingen KemulianNdu i belang-belang doni enda.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA