Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bani pambobai koor. Humbani ginompar ni si Korah. Sada Psalm. (49-2) Tangihon ma on, ale sagala bangsa, pardiateihon ma, nasiam ganup isi ni dunia on,
2 (49-3) age na sombuh, sonai na sangap, age na bayak sonai na musil haganup,
3 (49-4) sihol hatahonon ni pamanganku do hauhuron, anjaha hapentaran do pingkiran ni uhurhu.
4 (49-5) Tarehononku do pinggolhu dompak umpama, anjaha patalaronku ma rusiangku marhitei husapi.
5 (49-6) Mase ma pala mabiar ahu bani ari hasunsahan, sanggah hajahaton ni halak na mardakdak ahu manginggoti ahu.
6 (49-7) ai ma na martenger ni uhur bani na dong bani, anjaha na mangenjengkon habayakon ni sidea?
7 (49-8) Tongon, ise pe lang na boi manobus dirini, barang targalarisi partobusni bani Naibata,
8 (49-9) ai hargatu do partobus ni tonduyni ai, anjaha seng targoki sadokah ni dokahni,
9 (49-10) ase boi ia tongtong manggoluh, anjaha seng mangidah tanoman.
10 (49-11) Nai ma, idahonni do, matei do age halak na maruhur, na lontong pakon na jijing pe maseda do rombang, anjaha na dong bani sidea tading bani na legan.
11 (49-12) Tanoman do rumah ni sidea lalab, ianan ni sidea marsundut-sundut, age pe marpanggorani hubani sidea tanoh in.
12 (49-13) Ia jolma in, ibagas hasangaponni, seng totap, usih songon pinahan do sidea iboiskon.
13 (49-14) Ai ma na mangonai bani halak na mangunsagah bani dirini, ai ma ujung ni halak na marosuh bani buei ni sahapni sandiri. Sela.
14 (49-15) Songon biribiri do sidea ipaharang hu nagori toruh, hamatean do na marmahan sidea; torus do sidea turun hu tanoman, malantur angkula ni sidea; nagori toruh do gabe ianan bani sidea.
15 (49-16) Tapi Naibata do na manobus tonduyhu humbani kuasa ni nagori toruh. Tongon, Ia do na mandokdok ahu. Sela.
16 (49-17) Ulang rusak ho anggo lambin bayak sada halak, anggo lambin martambah hamuliaon ibagas rumahni,
17 (49-18) ai bani parmateini holi seng boanonni ai, anjaha hamuliaonni seng tuad mangirikkonsi.
18 (49-19) Age pe nini uhurni, sanggah goluhni sangap ia, age dapotan puji-pujian sada halak halani mardohar ia,
19 (49-20) maningon parayakonni do ompung-ompungni, na so mangidah haliharon be sadokah ni dokahni.
20 (49-21) Jolma ibagas hasangaponni, tapi lang maruhur, usih do ia songon pinahan siraseihononkon.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA