Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Masmur anak-anak si Korah.
2 TUHAN mulia kap janah terpuji kal Ia, i bas Kota Dibatanta, i datas DelengNa si badia.
3 Sion, eme deleng Dibata, meganjang dingen seh kal jilena, kota si mulia si mereken keriahen man kerina doni enda.
4 Icidahken Dibata maka terkawal kita ras Ia, i bas benteng-benteng kota e.
5 Raja-raja pulung, jenari iperangna Deleng Sion.
6 Tapi kenca idahsa deleng e, jengang ia, gentar ia, jenari kiam ia kerina.
7 I je nggirgir ia perban biarna, mesui iakapna bagi diberu si nandangi mupus,
8 bali ras kapal sanga seding itendeng galumbang.
9 Nggo sibegi kai si ibahan Dibata, genduari nggo siidah pe. I bas kota TUHAN Dibatanta si Mada Kuasa, tetap IkawaliNa maka aman rasa lalap.
10 O Dibata, i bas RumahNdu, iinget kami keleng AteNdu.
11 GelarNdu terberita dingen ipuji i belang-belang doni enda, IperentahNdu doni enda alu bujur.
12 Kalak Sion ras Juda, ersurak me ia, sabap IukumNdu imbang-imbangna.
13 Keleweti dingen dalanilah Sion, jenari beligailah menarana.
14 Perdiateken tembokna periksalah bentengna, maka banci iturikenndu man kesusurenndu si reh: <48:15> - "Maka Ia kap Dibata, Dibatanta seh rasa lalap, Ia si negu-negu kita seh rasa lalap."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA