Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kaangguy pamimpinna koor. Eerenge calempong. Jaburra Daud. (4-2) Ya Allah, Junandalem se abilla abdidalem, kasokana nyaodi manabi abdidalem aserro. Manabi abdidalem sossa, Junandalem se nolong; samangken kabellasi abdidalem ka’dhinto, peyarsa’agi du’a abdidalem.
2 (4-3) Sampe’ bila manossa reya se ambuwa ya-nyeya tang Allah? Sampe’ bila terros leburra ka sabarang se tadha’ gunana ban nyerser barang se ta’ teppa’?
3 (4-4) Kaenga’e, kaangguy Salerana dibi’ PANGERAN mele oreng se ekaase’e Salerana. PANGERAN meyarsa’agi mon sengko’ aserro nyo’on partolongan.
4 (4-5) Pangetter patako’, ban ja’ agabay dusa pole. Ja’ acaca, tape pekker e dhalem ate, e bakto dhung-tedhungan e dhalem pangkeng.
5 (4-6) Atorragi kurban se teppa’ ban paparcaja ka PANGERAN.
6 (4-7) Bannya’ oreng atanya, "Sapa se aberkadana sengko’ ban ba’na?" GUSTE, moga Junandalem kasokana ka abdidalem sadajana.
7 (4-8) Sareng Junandalem abdidalem epalebbi perak dhari oreng se talebat bannya’ hasella tamennanna.
8 (4-9) Daddi abdidalem tedhung ngeddha sareng taremtem, sabab namong Junandalem, GUSTE, se mataremtem odhi’ abdidalem.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA